દિલ્હી મેટ્રોએ આજે એક નવો ઇતિહાસ રચ્યો છે. વડા પ્રધાન નરેન્દ્ર મોદીએ સોમવારે દિલ્હી મેટ્રોના મેજેન્ટા લાઇન (જનકપુરી વેસ્ટ-બોટેનિકલ ગાર્ડન) પર ભારતની પ્રથમ સંપૂર્ણ ઓટોમેટિક (ડ્રાઈવરલેસ) મેટ્રો ટ્રેનનું ઉદ્ઘાટન કર્યું હતું. વડા પ્રધાને વીડિયો કોન્ફરન્સિંગ દ્વારા આ વિશેષ મેટ્રો ટ્રેનનું ઉદ્ઘાટન કર્યું હતું. આ મેટ્રો ખૂબ જ ખાસ છે. આ માટે એક નવા પ્રકારનો કોચ બનાવવામાં આવ્યો છે. ખાસ વાત એ છે કે આ ટ્રેનમાં ડ્રાઇવરની કેબીન નહીં હોય.
દિલ્હી મેટ્રોએ એક નિવેદનમાં કહ્યું છે કે નવી પેઢીની આ ટ્રેનોનું સંચાલન દિલ્હી મેટ્રો રેલ કોર્પોરેશન (ડીએમઆરસી) વિશ્વના “સાત ટકા મેટ્રો નેટવર્કના વિશિષ્ટ જૂથ” માં જોડાશે. જે ડ્રાઇવરલેસ કામગીરી માટે સેવાઓ પૂરી પાડે છે. નિવેદનમાં જણાવ્યા અનુસાર, પ્રથમ ચરણમાં ડ્રાઇવરલેસ ટ્રેન મજેંટા લાઇન પર જનકપુરી પશ્વિમથી નોએડાના બૉટનિકલ ગાર્ડન મેટ્રો સ્ટેશન વચ્ચે દોડશે. તે બાદ વર્ષ 2021માં પિંક લાઇનમાં 57 કિલોમીટર સુધી ડ્રાઇવરલેસ મેટ્રો દોડાવવાની યોજના છે, જે મજલિસ પાર્કથી શિવ વિહાર સુધીનું અંતર કાપશે.
દિલ્હી મેટ્રોના વરિષ્ઠ અધિકારીએ જણાવ્યું હતું કે નવી પેઢીની આ સેવાઓનો વ્યાપારી પ્રારંભ એ એક મોટી સિદ્ધિ હશે અને ઉદ્ઘાટનના બીજા દિવસે શરૂ કરવામાં આવશે. નિવેદનમાં કહેવામાં આવ્યું છે કે ડ્રાઇવરલેસ ટ્રેનો સંપૂર્ણ રીતે સ્વચાલિત કરવામાં આવશે જેમાં માનવ હસ્તક્ષેપ ઓછો કરવામાં આવશે, જ્યારે માનવ ભૂલોની સંભાવના પણ ઓછી થશે. માનવરહિત મેટ્રો પિંક લાઇન પર 2021 ના મધ્ય સુધીમાં કાર્યરત થવાની સંભાવના છે. આ સાથે, બિન ઓપરેશનલ મેટ્રો ઓપરેશનનું નેટવર્ક લગભગ 94 કિલોમીટરનું રહેશે.
હવે રૂપે કાર્ડથી પ્રવાસ વધુ સરળ બનશે
વડાપ્રધાન નરેન્દ્ર મોદીએ દેશની પ્રથમ ડ્રાઈવરલેસ મેટ્રો ટ્રેનની શરૂઆત દિલ્હીમાં વીડિયો કોન્ફરન્સિંગ દ્વારા કરી છે. આ સાથે જ તેમણે એરપોર્ટ એક્સપ્રેસ લાઇન અને નેશનલ કોમન મોબિલિટી કાર્ડ (NCMC) સેવાની પણ શરૂઆત કરી છે. આ કાર્યક્રમમાં દિલ્હીના મુખ્યમંત્રી અરવિંદ કેજરીવાલ પણ ઉપસ્થિત રહ્યા હતા. જનકપુરી પશ્ચિમથી બોટનિકલ ગાર્ડન સુધી મેટ્રોના 37 કિલોમીટર લાંબી મેજેંટા લાઈન પર આ સુવિધા શરૂ કરવામાં આવી છે.
ડ્રાઇવરલેસ મેટ્રો ટ્રેનનું ઉદ્ઘાટન કરતાં વડાપ્રધાન મોદીએ કહ્યું કે, પહેલી ડ્રાઇવરલેસ મેટ્રોનું ઉદ્ઘાટન દર્શાવે છે કે ભારત સ્માર્ટ સિસ્ટમ તરફ કેટલી ઝડપથી અગ્રેસર બની રહ્યું છે. 2025 સુધી 25 શહેરમાં મેટ્રો દોડાવવાનું લક્ષ્ય છે
3 વર્ષથી ચાલી રહી છે ટ્રાયલ
દિલ્હી મેટ્રોએ ડ્રાઇવરલેસ ટ્રેનને એક મોટી તકનીકી સિદ્ધિ ગણાવી છે. દિલ્હી મેટ્રો રેલ કોર્પોરેશન (ડીએમઆરસી) છેલ્લા લગભગ 3 વર્ષથી ડ્રાઇવરલેસ મેટ્રો ટ્રેનને ટ્રાયલ કરી રહી હતી. દિલ્હી મેટ્રોએ પ્રથમ સપ્ટેમ્બર 2017 માં તેની ટ્રાયલ શરૂ કરી હતી.
આ છે ડ્રાઇવરલેસ મેટ્રોની લાક્ષણિકતાઓ
- ડ્રાઇવરલેસ ટ્રેનમાં કેબીન નહીં હોય, કોચની ડિઝાઇન નવી હશે.
- ડ્રાઇવરલેસ ટ્રેનમાં સામાન્ય મેટ્રો રેલ જેવા 6 કોચ પણ હશે.
- ડ્રાઇવરલેસ ટ્રેન મહત્તમ ગતિ 95 કિલોમીટર પ્રતિ કલાકની હશે.
- 85 કિલોમીટર પ્રતિ કલાકની ઝડપની સાથે તે તેની યાત્રા શરુ કરશે.
- ડ્રાઇવરલેસ ટ્રેનમાં, 2,280 મુસાફરો એક સાથે મુસાફરી કરી શકે છે
- દરેક કોચમાં 380 મુસાફરો સવાર થઇ શકે છે.
- ડીએમઆરસી ઓટોમેટિક ટ્રેન સુપરવિઝન સિસ્ટમનો મેટ્રો ડિઝાઇનમાં ઉપયોગ કરશે
- ડ્રાઇવરલેસ ટ્રેન કંટ્રોલ રૂમથી ઓટોમેટિક સંચાલિત કરવામાં આવશે.
- સૌથી વિશેષ સુવિધા એ ટ્રેનની અંદર અને બહારના અત્યાધુનિક કેમેરા હશે.
- સેન્સર આધારિત બ્રેક્સ કોઈપણ અકસ્માત સમયે ત્વરિત કરવામાં આવશે.
મંતવ્ય ન્યૂઝ દ્વારા જાહેર અપીલ –
દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…
