ઉત્તર પ્રદેશમાં 38 વર્ષીય મહિલાની 5 વર્ષના ભત્રીજાને માર મારવા અને હત્યા કરવાના આરોપમાં ધરપકડ કરવામાં આવી છે. બાળકે તેના પલંગને ગંદો કર્યો હતો, ત્યારબાદ તેની કાકી તેની દુશ્મન બની ગઈ હતી. પોલીસને ફરિયાદ મળી કે યશ પ્રતાપ તેના કાકા શૈલેન્દ્રસિંહના ઘરેથી ગુમ થયો છે. તેણે પોલીસને જણાવ્યું કે બાળક મેળામાંથી ગુમ થયો હતો, જ્યાં તે તેની કાકી નીરજ સાથે ગયો હતો. આ કેસમાં અપહરણની એફઆઈઆર નોંધાઈ હતી.
પોલીસે મેળાના ફૂટેજ અંગે શોધખોળ શરૂ કરી હતી પરંતુ નીરજ સાથેનો બાળક દેખાયો નહોતો. એટાહ જિલ્લામાં રહેતા યશના પિતા બ્રિજેન્દ્રસિંહે જણાવ્યું હતું કે, તેની ભાભી નીરજે તેને કહ્યું હતું કે તેનો પુત્ર મેળામાં ગુમ થયો છે. બીજે દિવસે સવારે તેણે પોતાનું નિવેદન બદલ્યું અને કહ્યું કે યશ એ પલંગને ગંદો કર્યો છે, તેને ઘરની બહાર કાઢી દરવાજો બંધ કરી દીધો અને દરવાજો ખોલતાં તે ગાયબ હતો. સીસીટીવી ફૂટેજ અને મહિલાનું બદલાયેલ નિવેદન જોઇને પોલીસને શંકા ગઇ હતી.
Amazonના પાર્સલ જેવું દેખાતુ આ બોક્સ શું છે તમે જાણો છો?
આક્રમક પૂછપરછ દરમિયાન તેણે આખરે ગુનો કબૂલ્યો હતો અને પોલીસને તે સ્થળે લઈ ગઈ હતી જ્યાં તેણે તેના 65 વર્ષના પિતા રામ બહાદુરની મદદથી મૃતદેહને દફનાવ્યો હતો. મંગળવારે તેના પિતાની પણ ધરપકડ કરવામાં આવી હતી. પૂછપરછ દરમિયાન નીરજે પોલીસને કહ્યું હતું કે ભત્રીજાને માર માર્યો હતો અને તેની હત્યા કર્યા બાદ તેણે તેના પિતાને ફોન કર્યો હતો અને ઘટનાની જાણ કરી હતી.
બાળકના શરીર પર નિશાન
નીરજના ઘરથી 60 કિલોમીટર દૂર રહેતા રામ બહાદુરએ તેમને સલાહ આપી કે તેઓ મૃતદેહને કંપાલામાં તેના સ્થાને લાવશે અને તે થોડીક વ્યવસ્થા કરશે. પિતાએ પોલીસને જણાવ્યું હતું કે તેની પુત્રી ઓટો દ્વારા મૃતદેહને કાળી થેલીમાં લઇ આવી હતી, મહિલાએ તેના પિતાની મદદથી છોકરાની લાશને જંગલમાં એક ઉંડા ખાડામાં દફનાવી દીધી હતી.
લાશની શોધખોળ કરવામાં આવી હતી અને પોસ્ટ મોર્ટમ રિપોર્ટમાં સામે આવ્યું છે કે છોકરાની હત્યા કરવામાં આવી છે. તેમણે કહ્યું કે, બાળકના શરીર પર પણ ઘણા નિશાન જોવા મળ્યાં છે. બાળક છેલ્લા 7 મહિનાથી તેની કાકી સાથે રહેતો હતો, કેમ કે તેના પિતા ઇચ્છે છે કે તે અન્ય બાળકો સાથે અભ્યાસ કરે. છોકરાની માતાનું ત્રણ વર્ષ પહેલાં અવસાન થયું હતું અને દાદીનું પણ નિધન થયું હતું.
