Not Set/ યુવતીને નશાની ગોળીઓ ખવડાવી કર્યો ગેંગરેપ, નરાધમોએ દુષ્કર્મનાં 66 વીડિયો શૂટ કર્યા

ધર્મ મામલે ખોટું બોલી, અંધારામાં રાખીને કોલેજનાં પ્રથમ વર્ષમાં ભણતી યુવતીને હોટલમાં જબરજસ્તી લઈ જઇ ગેંગરેપ કરવાનો મામલો પ્રકાશમાં આવ્યો છે. પોલીસે આરોપી છોકરા સામે ગુનો નોંધી તપાસ શરૂ કરી છે. પીડિતા યુવતીએ આરોપ લગાવ્યો છે કે ખીરોડ ઝુનઝુનુના રહેવાસી સુરેશ ઉર્ફે આસિફે હોટલમાં પોતાનાં લઇ જઇ નશાની ગોળીઓ ખવડાવી તેના મિત્રો સાથે મળી એક – બે વાર નહી પરંતુ વારંવાર તેના પર ગેંગરેપ કર્યો છે. આટલું જ નહીં પરતું સુરેશ ઉર્ફે આસિફે તેનો વીડિયો પણ ઉતાર્યો છે. અને તેણે વીડિયોને લઇને બ્લેકમેલ કરીને જાનથી મારી નાખવાની ધમકી આપી પણ હતી. આ સનસનીખેજ ઘટના રાજસ્થાનનાં સીકરના ઉદ્યોગ નગર પોલીસ સ્ટેશનનો છે.

યુવતી ઘટના સમયે નશામાં હતી અને જ્યારે છોકરાએ વીડિયો ક્લિપ્સ અને ફોટા બતાવીને તેને ધમકાવવાનું શરૂ કર્યું ત્યારે યુવતીને આ બાબતની ખબર પડી હતી. આ નરાધમો યુવતી પાસેથી ઘણા રુપીયા પણ પડાવી લીધા હોવાનું સામે આવી રહ્યું છે.

સીકરનાં ઉદ્યોગ નગર પોલીસ સ્ટેશનના અધિકારી વિરેન્દ્ર શર્માએ જણાવ્યું હતું કે ફરિયાદી સામે ગુનો નોંધી તપાસ શરૂ કરી દેવામાં આવી છે. પોલીસે જણાવ્યું કે પીડિત યુવતી સીકરમાં બી.કોમ. પ્રથમ વર્ષ ભણે છે. તે બસમાં આવતી હતી તે સમય દરમિયાન તે એક છોકરાને મળી. તેણે તેની સાથે વાત શરૂ કરી, તેણે પોતાનું નામ સુરેશ કહ્યું. બાદમાં તેને બળજબરીથી હોટલમાં લઈ જવામાં આવી હતી અને મિત્રો સાથે ગેંગરેપ કર્યો હતો. આ આધારે તેણે તેને બ્લેકમેલ કરવાનું ચાલુ રાખ્યું હતું અને તેની પાસેથી 25,000 રૂપિયા પણ પડાવી લીધા હતા.

યુવતીએ સમગ્ર કાવતરામાં આસિફ સાથેની એક મહિલાનું નામ પણ જણાવ્યું છે. આ જ મહિલાએ પીડિતાને ધમકાવી હતી અને ગામ સ્ટેન્ડ પર આવી હતી અને તેની પાસેથી ઘણી વખત પૈસા લીધા હતા. સુરેશ ઉર્ફે આસિફ પણ ગામમાંથી બસમાં મુસાફરી કરતો હતો. યુવતીએ કહ્યું કે એક દિવસ સુરેશે તેના મોબાઈલ પર ફોન કર્યો હતો અને જ્યારે સુરેશે મિત્રતા માટે પૂછ્યું ત્યારે યુવતીએ ના પાડી.

થોડા દિવસો પછી, તેણે સીકરમાં પેટ્રોલ પંપ પાસે આવવા ફોન કર્યો અને તે એક સફેદ બોલેરો પાસે ઉભો હતો. તેમાં એક મહિલા અને અન્ય વ્યક્તિ બેઠા હતા. યુવતીનો આરોપ છે કે તે બળજબરીથી તેને ગાડીમાં બેસાડી બાયપાસ નજીકની હોટલમાં લઈ ગયો હતો.  હોટલમાં સુરેશ અને તેના મિત્રોએ તેના પર બળાત્કાર ગુજાર્યો હતો અને નશાની ગોળીઓ આપીને તેના વીડિયો પણ બનાવ્યા હતા. આ પછી સુરેશે તેના મોબાઈલમાં વીડિયો મોકલ્યા અને તેને બ્લેકમેઇલ કર્યો. આ રીતે, તેના બળાત્કારનાં 66 વીડિયો શૂટ કરવામાં આવ્યો હતા.