અદાણી ગ્રૂપના ચેરમેન ગૌતમ અદાણી ફોર્બ્સની વિશ્વના સૌથી ધનિકોની યાદીમાં પાંચમા સ્થાને પહોંચી ગયા છે. ગૌતમ અદાણી નેટવર્થ $123.1 બિલિયન હોવાનો અંદાજ છે. ગૌતમ અદાણીએ Berkshire Hathaway ના વોરેન બફેટને પાછળ છોડીને આ સ્થાન હાંસલ કર્યું. હવે બફેટ $121.7 બિલિયનની કુલ અંદાજિત નેટવર્થ સાથે છઠ્ઠા સ્થાને સરકી ગયા છે.
ટોપ 10માં બે ભારતીય
રિલાયન્સ ઈન્ડસ્ટ્રીઝના ચેરમેન મુકેશ અંબાણી ફોર્બ્સની વિશ્વના સૌથી ધનિકોની યાદીમાં આઠમા સ્થાને છે. આ રીતે, વિશ્વના 10 સૌથી અમીર લોકોમાંથી બે ભારતીય છે. અંબાણીની કુલ નેટવર્થ $103.70 બિલિયન હોવાનો અંદાજ છે.
એલોન મસ્ક ટોચ પર યથાવત
Tesla અને SpaceX ના વડા એલોન મસ્ક આ યાદીમાં પ્રથમ સ્થાને છે. તેમની કુલ નેટવર્થ $269.70 બિલિયન હોવાનો અંદાજ છે. જેફ બેઝોસ $170.2 બિલિયનની નેટવર્થ સાથે બીજા સ્થાને છે. ફ્રાન્સના બર્નાર્ડ આર્નોલ્ટ અને તેમના પરિવારની કુલ સંપત્તિ અંદાજે $166.8 બિલિયન છે અને તેઓ આ યાદીમાં ત્રીજા સ્થાને છે.
બિલ ગેટ્સ ચોથા સ્થાને
ફોર્બ્સની દુનિયાના સૌથી અમીર લોકોની યાદીમાં બિલ ગેટ્સ ચોથા નંબર પર છે. તેમની કુલ સંપત્તિ $130.2 બિલિયન હોવાનો અંદાજ છે. આ યાદીમાં લેરી એલિસન સાતમા સ્થાને છે. તેમની કુલ નેટવર્થ $107.6 બિલિયન હોવાનો અંદાજ છે.
લેરી પેજની કુલ સંપત્તિ 102.4 બિલિયન ડોલર અંદાજવામાં આવી છે અને તે આ યાદીમાં નવમા સ્થાને છે. તે જ સમયે, સર્ગેઈ બ્રિન $98.5 બિલિયનની કુલ સંપત્તિ સાથે 10મા સ્થાને છે.
આ પણ વાંચો:IPL પર સટ્ટો રમતા સટોડિયા પર પોલીસની તવાઈ
