આજે દેશની પ્રથમ મુસ્લિમ મહિલા શિક્ષિકા ફાતિમા શેખની જન્મજયંતિ છે અને ગૂગલે અદભૂત ડૂડલ બનાવીને ફાતિમા શેખનું સન્માન કર્યું છે. આપને જણાવી દઈએ કે, ફાતિમા શેખે મહાન સમાજ સુધારકો જ્યોતિબા ફુલે અને સાવિત્રીબાઈ ફુલે સાથે મળીને 1848માં સ્વદેશી પુસ્તકાલયની સ્થાપના કરી અને છોકરીઓ માટે શિક્ષણનાં દરવાજા ખોલ્યા. આ પુસ્તકાલય કન્યાઓ માટે શિક્ષણનું પ્રથમ માધ્યમ માનવામાં આવતું હતું.
આ પણ વાંચો – Stock Market / રોકાણકારો આગામી ત્રણ મહિનામાં જંગી કમાણી કરશે, અદાણી વિલ્મર, મોબિક્વિક સહિત 38 IPOને મંજૂરી
જે સમયે આ પુસ્તકાલયોની સ્થાપના કરવામાં આવી હતી તે સમયે મહિલાઓને શિક્ષણથી દૂર રાખવામાં આવતી હતી. જ્યારે મુસ્લિમ અને દલિત મહિલાઓની હાલત અત્યંત દયનીય હતી. ફાતિમા શેખે સાવિત્રીબાઈ ફુલે સાથે મળીને દલિત અને મુસ્લિમ મહિલાઓમાં શિક્ષણની ભાવના જાગૃત કરવાના ઉદ્દેશ્ય સાથે આ પુસ્તકાલયનો પાયો નાખ્યો હતો. જોકે ફાતિમા શેખે આ લડાઈને અંત સુધી લઈ જવા માટે ઘણી મહેનત કરવી પડી હતી. તેમણે દલિત અને મુસ્લિમ મહિલાઓને શિક્ષણ સાથે જોડવા માટે તેમના ઘરે જઈને જાગૃત કરવાનું નક્કી કર્યું. તે સમયે આ કામ ખૂબ જ મુશ્કેલ હતું, તેને લોકોનો તિરસ્કાર સહન કરવો પડતો હતો, લોકો તેમની અવગણના કરતા હતા પરંતુ તે પોતાના લક્ષ્યથી પાછળ ન હટ્યા અને મહિલાઓનાં હિત માટે લડતા જ રહ્યા. જ્યારે સાવિત્રીબાઈ ફુલેએ દલિતોનાં ઉત્થાન માટે છોકરીઓને શિક્ષિત કરવાનું કામ શરૂ કર્યું ત્યારે તેમને ઘરની બહાર કાઢી મૂકવામાં આવ્યા હતા. તે સમયે, ફાતિમા શેખનાં મોટા ભાઈ દ્વારા ફૂલે દંપતીને તેમના ઘરમાં સ્થાન આપવામાં આવ્યું હતું. જ્યારે સાવિત્રી ફૂલેએ શાળા ખોલી ત્યારે બાળકોને ભણાવવા માટે શિક્ષકો ઉપલબ્ધ નહોતા, પરંતુ ફાતિમા શેખે તેમની મદદ કરી અને શાળામાં છોકરીઓને ભણાવ્યાં. તેમના પ્રયાસોને કારણે જે મુસ્લિમ છોકરીઓ મદરેસામાં જતી હતી તે શાળાએ જવા લાગી. ફાતિમા શેખને દલિત-મુસ્લિમ એકતાનાં શિલ્પીઓમાંના એક માનવામાં આવે છે.
આ પણ વાંચો – UP Election Analysis / યુપીમાં 7 તબક્કા દરમિયાન, કયા જિલ્લામાંથી અને ક્યારે ચૂંટણી સમાપ્ત થશે? જાણો ભાજપથી લઈને સપા સુધીના પડકારો
જણાવી દઇએ કે, એક કાર્ય કે જેના માટે સાવિત્રીબાઈ સૌથી વધુ પ્રસિદ્ધ છે તે છે 1848માં પૂણેનાં ભીડેવાડામાં કન્યાઓ માટે એક શાળા ખોલવી અને પછી ત્યાં ભણાવવાનું. પરંતુ સાવિત્રીબાઈએ એકલા પુણેમાં તે શાળા ખોલી ન હોતી, ન તો ત્યાં એક માત્ર મહિલા શિક્ષિકા હતી. આ પ્રોજેક્ટમાં તેની સાથે અન્ય કોઈ સામેલ હતું.
