Imran Khan before arrest: ઈસ્લામાબાદ પોલીસ રવિવારે દિવસભર તોશાખાના કેસમાં ઈમરાન ખાનની ધરપકડ કરવા લાહોરમાં તેમના નિવાસસ્થાને પહોંચી હતી. કલાકોની રાહ જોયા બાદ પણ ઈમરાન ખાન ત્યાં હાજર મળ્યા ન હતા. જે બાદ પોલીસે નિવેદન જારી કર્યું કે ઈમરાન ખાન તેમના ઘરે નથી. તો થોડા કલાકો પછી ઇમરાન ખાન તેમના સમર્થકોને મળવા માટે બહાર આવ્યા અને શાહબાઝ સરકાર પર જોરદાર પ્રહારો કર્યા. ઈમરાન ખાને વડાપ્રધાનને ક્રાઈમ મિનિસ્ટર ગણાવ્યા અને કહ્યું કે પાકિસ્તાન આજે જેટલું બદનામ કે શરમજનક છે તે ક્યારેય નહોતું. આપણો ક્રાઈમ મિનિસ્ટર ભીખ માંગે છે. PTI ચીફ અને પૂર્વ વડાપ્રધાન ઈમરાન ખાને લાહોરમાં પોતાના કાર્યકર્તાઓને સંબોધિત કરતા શહેબાઝ શરીફ પર બંધારણીય સંસ્થાઓનો દુરુપયોગ કરવાનો આરોપ લગાવ્યો હતો. ઈમરાન ખાને શાહબાઝ સરકાર પર તેમની હત્યા કરાવવાનો આરોપ પણ લગાવ્યો હતો. ISIની કામગીરી પર પણ સવાલો ઉઠાવ્યા હતા.
ઈમરાન ખાને ટ્વિટ દ્વારા PM શાહબાઝ અને બાજવા પર શ્રેણીબદ્ધ આરોપો લગાવ્યા છે. વડાપ્રધાન શાહબાઝ શરીફ પર પ્રહાર કરતા ઈમરાને કહ્યું કે જે દેશનું ભવિષ્ય શું હોઈ શકે, જ્યાં બદમાશોને શાસક બનાવવામાં આવે. શાહબાઝ શરીફને 8 અબજ રૂપિયાના મની લોન્ડરિંગ અને 16 અબજ રૂપિયાના ભ્રષ્ટાચારના કેસમાં દોષિત ઠેરવવાના હતા, પરંતુ તે પહેલા જ જનરલ બાજવાએ તેમને બચાવી લીધા હતા. એટલું જ નહીં, સુનાવણી મુલતવી રાખ્યા બાદ તેમને વડાપ્રધાનની ખુરશી પર બેસાડવામાં આવ્યા હતા. ઇમરાખ ખાને વધુમાં કહ્યું કે જે સંસ્થાઓ ગઈકાલ સુધી તે વ્યક્તિની પૂછપરછ કરી રહી હતી. અચાનક એ જ વ્યક્તિએ આ સંસ્થાઓના વડાઓની પસંદગી કરવાનું શરૂ કર્યું. FIA અથવા NAB ના ચીફની પસંદગી હોય, તેમાં PM મહત્વની ભૂમિકા ભજવે છે. અબજો રૂપિયાના ભ્રષ્ટાચારના કેસમાં ખુદ PM સામે કાયમી ક્લીનચીટ મળે તે સ્વાભાવિક છે.
ઈમરાન ખાને વડાપ્રધાનને ક્રાઈમ મિનિસ્ટર કહ્યા. આ સિવાય તેમની સરકારના મંત્રીઓ અને નેતાઓને ચોર, ડાકુ, લૂંટારા અને ગુંડા ગણાવ્યા હતા. ઈમરાને નવાઝ શરીફ અને તેમની પુત્રી મરિયમ પર પણ ટોણો માર્યો હતો. કાર્યકર્તાઓને સંબોધિત કરતા ઈમરાન ખાને કહ્યું કે લંડનમાં બેસીને નવાઝ શરીફ સરકાર ચલાવી રહ્યા છે. તેમની પુત્રી મરિયમ રાણી એલિઝાબેથ બનીને ફરે છે અને મને કોર્ટના ચક્કર લગાવવામાં આવે છે.
આ પણ વાંચો: Russia/ કોરોનાની રસી બનાવનાર વ્યક્તિની હત્યાનો મામલો, હત્યારાએ પોલીસ સમક્ષ કર્યો ખુલાસો
આ પણ વાંચો: India/ શું રાહુલ ગાંધી લોકસભા ચૂંટણીમાં વડા પ્રધાન પદના ઉમેદવાર હશે?
આ પણ વાંચો: AAP/ CBI મનીષ સિસોદિયાને માનસિક ટોર્ચર કરે છે કેમકે… : AAPનો આરોપ
