ગાંધીનગર,
રાજ્યમાં હુક્કાબાર ગેરકાયદેસર છે. છતાંપણ વારંવાર હુક્કાબાર ઝડપાવવાની ખબરો સામે આવી રહી છે. ત્યારે ગાંધીનગરના શમિયાણા રેસ્ટોરન્ટમાં હુક્કો પીતાં 27 યુવક-યુવતીઓ ઝડપાયાં છે.
ગાંધીનગરના શામિયાણા હુક્કાબાર પર SOGએ વહેલી સવારે દરોડા પાડ્યાં હતાં. જુદી-જુદી ફ્લેવરના હુક્કા જપ્ત કરવામાં આવ્યાં હતાં. તેની સાથે વિવિધ બ્રાન્ડની દારૂની બોટલો પણ મળી આવી હતી.
આ મામલે પોલીસે તમામ યુવક,યુવતી અને હુક્કાબારનાં માલિકો સામે ગુનો નોંધીને તપાસ આગળ વધારી છે.
એક મહિનાથી ચાલતાં હુક્કાબારમાંથી 4 યુવતી અને 23 યુવકો હુક્કો પીતાં ઝડપાયાં છે અને પોલીસ દ્વારા 11 હુક્કા કબ્જે કરી શમિયાણા રેસ્ટોરન્ટના માલિક સહિત 3 લોકોની ધરપકડ કરવામાં આવી છે અને ટોબેકો તથા અલગ-અલગ ફ્લેવરના હુક્કાઓ કબ્જે કરવામાં આવ્યા હતા.
