રાજકોટમાં લુ્ખ્ખાગીરી કરતાં એક રીઢા ગુનેગારને પોલીસ પકડવામાં પોલીસને સફળતા મળી છે. જો કે પોલીસે આ આરોપીને પકડીને તેનું સરઘસ કાઢ્યું હતું અને લોકોની માફી મંગાવી હતી મળતી માહિતી મુજબ આ આરોપી શહેરના મવડી વિસ્તારમાં રહેતા રહીશોને હેરાન- પરેશના કરતો હતો. અને અડધી રાત્રે દારૂ પીને લોકોના દરવાજા ખખડાવતો હતો.
જેને લઇને અહીં વસનારા સ્થાનિકો તેનાથી ત્રાસી ગયા હતા. બાદમાં સ્થાનિકોએ આ રીઢા ગુનેગાર વિરુ્દ્ઘ પોલીસમાં ફરિયાદ નોંધાવી હતી. જો કે આ ગુનેગારને તેના વિરુદ્ઘ ફરિયાદ થઇ હોવાનું માલૂમ થતાં તે ભાગી ગયો હતો..પરંતું કહેવાય છે કે પોલીસના પંજામાંથી આરોપી ગમે ત્યારે તો પકડાઇ જાય છે.
તેવી જ રીતે પોલીસે આ આરોપીને જંગલેશ્વર વિસ્તાર માંથી પકડી પાડ્યો હતો. મહત્વનું છે કે આ આરોપીને અનેક ગુનામાં સંડોવાયેલો છે. થોડાક સમય અગાઉ જ હત્યાના ગુનામાં કોર્ટે આ હેમંત નામના આરોપીને 10 વર્ષની સજા ફટકરી હતી.
હાલ વચગાળાના જામીન પર તેને મુ્ક્ત કરવામાં આવ્યો હતો. પરંતુ ફરી એક વાર આ આરોપીએ ગુનાહિત કૃત્ય કરતાં પોલીસને તેની ધરપકડ કરીને વધુ તપાસ હાથ ધરી છે. ખાસ વાત તો એ છે કે આ હેમંત ચાવડા નામનો આરોપી કુખ્યાત સાગરનો સાગરીત છે.