ગાંધીનગર,
ભારે ખેંચતાણ બાદ આખરે વિજય રૂપાણી સરકારની ખાતાઓની ફાળવણી કરવામાં આવી હતી. ગુરૂવારે કેબીનેટની મેરેથોન મીટીંગ બાદ કેટલીક નારાજગી વચ્ચે રૂપાણી સરકારના મંત્રીઓને ખાતાઓ સોંપાયા હતા. ગુજરાતમાં ભાજપની સરકાર બન્યા બાદ શપથવિધિ થયાના ૨ દિવસ બાદ પણ મંત્રીઓને ખાતા ફાળવણી ન થતાં ગુજરાતના રાજકીય જગતમાં ચર્ચાનો વિષય બન્યો હતો.
લાંબી માથાકૂટ અને હાઇકમાન્ડની દરમિયાનગીરી છતાં નીતિન પટેલ પોતાનું કદ સાબિત કરી શક્યા નથી. બીજીવાર ડેપ્યુટી સીએમ બનાવ્યા બાદ નીતિન પટેલને ખાતાની ફાળવણીમાં કદ પ્રમાણે વેતરી નંખાયા છે. તેમની પાસેથી અગાઉની સરકારમાં રહેલા નાણાં, શહેરી વિકાસ, પેટ્રોકેમિકલ્સ, ફર્ટીલાઇઝર જેવા મહત્વના વિભાગો છિનવી લેવાયા છે. નાણાં વિભાગનો હવાલો સૌરભ પટેલને અપાયો છે, સાથે ઉર્જા વિભાગ પણ આપ્યું છે.
જો કે ગુરૂવારે મોડી રાત્રે કેબિનેટ બેઠક બાદ ખાતા ફાળવણીની જાહેરાત કરવામાં આવી હતી. મહત્વનું છે કે, આ બેઠક પેહલા માત્ર સીએમ રૂપાણી અને ડે.સીએમ નીતિન પટેલ વચ્ચે મેરેથોન બેઠક યોજાઇ હતી. ત્યાર બાદ બંને કેબિનેટ બેઠકમાં પહોંચ્યા હતા.
જુઓ કોને કયું ખાતું મળ્યું?