એલિસબ્રિજ વિધાનસભા મતવિસ્તાર એ ગુજરાતની એક મહત્વપૂર્ણ વિધાનસભા બેઠક છે, જ્યાં ભારતીય જનતા પાર્ટી 2017 માં જીતી હતી. આ વખતે એલિસબ્રિજ વિધાનસભા બેઠકના પરિણામો કયા પક્ષની તરફેણમાં આવશે તે જનતાએ નક્કી કરવાનું છે.
આ બેઠક પર ભાજપ સતત 45 વર્ષથી રાજ કરી રહ્યુ છે. વર્ષ 1972 બાદ કોંગ્રેસ અહીં ક્યારેય જીતી શકી નથી. એલિસબ્રિજ વિધાનસભામાં સતત ત્રણ ટર્મથી રાકેશ શાહ ધારાસભ્ય છે, આ સીટ 1995થી ભાજપનો ગઢ રહી છે.
એલિસબ્રિજ બેઠક પર કોંગ્રેસે ભીખુ દવેને ટિકિટ આપી છે. બીજી તરફ, પ્રથમ વખત ગુજરાતની ચૂંટણીમાં નસીબ અજમાવી રહેલી આમ આદમી પાર્ટી વતી પારસ શાહ પોતાનું નસીબ અજમાવશે. ભારતીય જનતા પાર્ટીએ પોતાના પક્ષના ઉમેદવાર તરીકે અમિતભાઈ શાહને મેદાનમાં ઉતાર્યા છે.
એલિસબ્રિજ વિધાનસભા મતવિસ્તાર ગુજરાતના અમદાવાદ જિલ્લા હેઠળ આવે છે. 2017 માં, એલિસબ્રિજમાં કુલ મતદાન 74.85 ટકા હતું. 2017 માં, ભારતીય જનતા પાર્ટીના શાહ રાકેશભાઈ જશવંતલાલ (રાકેશ શાહ) એ ભારતીય રાષ્ટ્રીય કોંગ્રેસના દવે વિજયકુમાર રતિલાલને 85205 મતોના માર્જિનથી હરાવીને બેઠક જીતી હતી.
એલિસબ્રિજ એ ગુજરાતના ઉત્તર ગુજરાત પ્રદેશમાં અમદાવાદ જિલ્લામાં આવેલ એક વિધાનસભા મતદારક્ષેત્ર છે. એલિસબ્રિજ એ અમદાવાદ પૂર્વ લોકસભા/સંસદની બેઠકનો એક ભાગ છે. આ એક સામાન્ય બેઠક છે. અહીં મતદાનની તારીખ સોમવાર, 5 ડિસેમ્બર 2022 છે. અને મત ગણતરીની તારીખ ગુરુવાર, 8 ડિસેમ્બર, 2022 છે.
ગુજરાતમાં 14મી વિધાનસભાની ચૂંટણી 9મી ડિસેમ્બર, 2017 અને 14 ડિસેમ્બરના રોજ યોજાઈ હતી. 18મી ડિસેમ્બરના રોજ મતગણતરી કરવામાં આવી હતી. આ ચૂંટણીમાં ભારતીય જનતા પાર્ટીને બહુમતી મળી હતી. જોકે, 2012ની ચૂંટણીની સરખામણીમાં કૉંગ્રેસનો વોટ શેર અને બેઠકમાં વધારો થયો હતો. ગુજરાતમાં 1985 પછી કોંગ્રેસ પાર્ટીએ સૌથી વધારે બેઠક મેળવી હતી. આ ચૂંટણીમાં બીજેપીને 99 બેઠક મળી હતી. કૉંગ્રેસને 77 બેઠક મળી હતી. એનસીપીને એક બેઠક મળી હતી. બીટીપીને બે બેઠક મળી હતી. અપક્ષના ફાળે ત્રણ બેઠક રહી હતી.
આ પણ વાંચો: કોંગ્રેસનો ગઢ માનવામાં આવે છે આ સીટ, જીત બાદ પૂર્વ સીએમના પુત્ર ભાજપમાં જોડાયા, જાણો હવે કયા પક્ષમાં ગયા
આ પણ વાંચો:દિલ્હીમાં વધુ એક લિવ-ઈન પાર્ટનરની હત્યા, મહિલાના જડબા અને ગળા પર ઘા, આરોપીની ધરપકડ
આ પણ વાંચો:મુંબઈના મલાડમાં ભીષણ આગ, બાલ્કનીમાં લટક્યા લોકો, ઘટનાસ્થળે પહોંચી ફાયર એન્જિન
