Heavy Rain Weather: તાજેતરના દિવસોમાં ઉત્તર ભારતમાં ઠંડી પડી રહી છે. દિલ્હીથી બિહાર સુધી સવાર-સાંજ ગાઢ ધુમ્મસ છે. આગામી દિવસોમાં લઘુત્તમ તાપમાનમાં વધુ ઘટાડો થવાની સંભાવના છે. મતલબ કે શિયાળો વધુ વધી શકે છે. તો ઠંડી વચ્ચે દક્ષિણના રાજ્યોમાં ભારે વરસાદની ચેતવણી જારી કરવામાં આવી છે. શિયાળુ એલર્ટ જારી કરતા હવામાન વિભાગે કહ્યું છે કે આગામી 48 કલાક સુધી પંજાબ, હરિયાણા, ચંદીગઢ અને ઉત્તર પ્રદેશમાં ગાઢથી ઘન ધુમ્મસ છવાયેલ રહેશે, જ્યારે તે પછી બે-ત્રણ દિવસ સુધી ગાઢ ધુમ્મસ છવાયેલ રહેશે.
હવામાન વિભાગે પણ વરસાદને લઈને ચેતવણી જારી કરી છે. IMDએ જણાવ્યું છે કે 25 અને 26 ડિસેમ્બરે તમિલનાડુના દરિયાકાંઠાના વિસ્તારોમાં ભારે વરસાદ થવાનો છે. આ ઉપરાંત, 26 ડિસેમ્બરે દક્ષિણ કેરળના ભાગોમાં હળવાથી મધ્યમ વરસાદ થશે. તો લક્ષદ્વીપમાં પણ કેટલાક સ્થળોએ મધ્યમથી ભારે વરસાદ માટે એલર્ટ જારી કરવામાં આવ્યું છે. છેલ્લા 24 કલાક દરમિયાન ઉત્તર પશ્ચિમ ભારતના મોટાભાગના વિસ્તારોમાં લઘુત્તમ તાપમાન 5-8 ડિગ્રી સેલ્સિયસની આસપાસ નોંધાયું હતું. આ સિવાય હરિયાણા, પંજાબ અને ઉત્તર રાજસ્થાનના ભાગોમાં ઠંડીનો દિવસ જોવા મળ્યો છે. હરિયાણા, બિહાર, પંજાબ, રાજસ્થાન, ઉત્તર પ્રદેશ, સિક્કિમ વગેરે રાજ્યો પણ ધુમ્મસની લપેટમાં રહ્યા હતા.
હવામાન વિભાગે ચેતવણી જારી કરી છે કે, આગામી બેથી ત્રણ દિવસ હિમાચલ પ્રદેશ, બિહાર, ઉત્તર રાજસ્થાન, પશ્ચિમ બંગાળ, સિક્કિમ અને ત્રિપુરામાં રાત્રિ અને સવારના સમયે ગાઢ ધુમ્મસ રહેશે. જેના કારણે લોકોએ સાવધાન રહેવું પડશે. આગામી બે દિવસ સુધી પૂર્વ ઉત્તર પ્રદેશ, પંજાબ, હરિયાણા, પશ્ચિમ ઉત્તર પ્રદેશના ઘણા વિસ્તારોમાં તીવ્ર ઠંડીની સ્થિતિ પ્રવર્તી રહી છે. તો પંજાબ અને હરિયાણામાં 25-27 ડિસેમ્બરની વચ્ચે કોલ્ડવેવની સંભાવના છે. જ્યારે 24 અને 25 ડિસેમ્બરે કચ્છના વિસ્તારમાં ઠંડીનું મોજું રહેશે.
આ પણ વાંચો: Gujarat/ અમદાવાદ એરપોર્ટ પર મુસાફરને આવ્યો હાર્ટ એટેક, CISF બન્યો ‘ભગવાન’, CPR આપી બચાવ્યો જીવ
