યુ.એસ.માં કેલિફોર્નિયાના જંગલોમાં લાગેલા આગ તેજ પવનને કારણે તીવ્ર બની છે. અને આગની તીવ્રતાને ધ્યાનમાં રાખીને બુધવારે બપોરના 4 વાગ્યા સુધી ‘રેડ ફ્લેગ એડવાઈઝરી’ જારી કરવામાં આવી છે.
યુ.એસ.ના રાષ્ટ્રીય હવામાન વિભાગના વૈજ્ઞાનિક રિયાન વોલબર્ને જણાવ્યું હતું કે જોરદાર પવનને લીધે આગ વધુ પ્રસરી છે. પરંતુ સારા સમાચાર એ છે કે આગામી કેટલાક દિવસોમાં હવામાનમાં સુધારો થવાની સંભાવના છે. તેમણે કહ્યું કે વરસાદની કોઈ આગાહી નથી અને જોરદાર પવન પણ બંધ થઈ જશે. કેલિફોર્નિયામાં મંગળવારે રાતના ખૂબ પવન હતા અને આજે પણ ચાલુ રહેવાની ધારણા છે.
વોલબર્ને જણાવ્યું હતું કે, આગામી પાંચથી સાત દિવસમાં હવામાન વધુ સારું રહેવાની અપેક્ષા છે.
પેસિફિક ગેસ અને ઇલેક્ટ્રિક (પીજી એન્ડ ઇ) એ મંગળવારે જાહેરાત કરી હતી કે, ભારે પવનને કારણે આગ ફેલાવાની સંભાવનાને ધ્યાનમાં રાખીને છ લાખ ગ્રાહકોને વીજ પુરવઠો સાવચેતીના પગલાંને લઇ ને બંધ કરવામાં આવ્યો છે. અગાઉ નવ લાખ લોકોને વીજ પુરવઠો બંધ કરાયો હતો. જોરદાર પવનની આગાહીએ જણાવ્યું છે કે તે મથકોને નુકસાન પહોંચાડી શકે છે અને બીજે ક્યાંક આગ લાગી શકે છે.
કેલિફોર્નિયાના જંગલોમાં આગને કાબૂમાં રાખવા ફાયર ક્રૂ સતત પ્રયત્નો કરી રહ્યા છે. વન અગ્નિની ચેતવણીને કારણે 50000 થી વધુ લોકોને ઘરોમાંથી સ્થળાંતર કરવામાં આવ્યા છે. લોસ એન્જલસ અને સોનોમા કાઉન્ટીઓમાં કટોકટીની સ્થિતિ જાહેર કરવામાં આવી છે. કેલિફોર્નિયાના ફાયર વિભાગનું કહેવું છે કે આગની સ્થિતિ ખૂબ ગંભીર છે અને તે લોસ એન્જલસમાં ફેલાયેલી છે.
આગ 600 એકરમાં ફેલાઈ ગઈ છે. અહીં સ્થિત 10 હજાર જેટલા મકાનોને તાત્કાલિક ખાલી કરાવવા આદેશ અપાયો છે. કેલિફોર્નિયાના દક્ષિણ ક્ષેત્રમાં પવન 50 થી 70 માઇલ પ્રતિ કલાકની ઝડપે પવન ફૂંકાય છે, જ્યારે લોસ એન્જલસના પર્વતીય વિસ્તારમાં તે 80 માઇલ પ્રતિ કલાક છે. કેલિફોર્નિયાના ઇતિહાસમાં 2018 માં વાઇલ્ડફાયર્સ સૌથી ખતરનાક હતા, જ્યારે ઉત્તરીય કેલિફોર્નિયામાં વીજળીના લીધે 85 લોકો મૃત્યુ પામ્યા હતા. આ વખતે વીજ પુરવઠો બંધ કરી દેવામાં આવ્યો છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
