કેન્દ્રીય ગૃહમંત્રી અમિત શાહ 6 દિવસના વિદેશ પ્રવાસેથી પરત ફરેલા વડાપ્રધાન નરેન્દ્ર મોદીને મળવા પહોંચ્યા છે. સૂત્રો પાસેથી મળેલી માહિતી અનુસાર, ગૃહમંત્રી અમિત શાહ PM મોદીને મણિપુરની તાજેતરની સ્થિતિ વિશે જાણકારી આપવા માટે PMના નિવાસસ્થાને પહોંચ્યા છે. આ પહેલા રવિવારે એન બિરેન સિંહ ગૃહમંત્રીને મળ્યા હતા. આ દરમિયાન તેમણે કહ્યું કે રાજ્યમાં સ્થિતિ હવે નિયંત્રણમાં છે અને પરિસ્થિતિ જલ્દી સુધરશે.
રાજ્યના સીએમ ગઈકાલે ગૃહમંત્રીને મળ્યા હતા
આ બેઠક બાદ એન બિરેન સિંહે ટ્વીટ કર્યું કે, “આજે નવી દિલ્હીમાં કેન્દ્રીય ગૃહ મંત્રી અમિત શાહને મળ્યા અને મણિપુરમાં જમીન પર બદલાતી પરિસ્થિતિ વિશે જાણકારી આપી. અમિત શાહની નજીકની દેખરેખ હેઠળ, રાજ્ય અને કેન્દ્ર સરકારો છેલ્લા અઠવાડિયે મોટા પ્રમાણમાં હિંસાને નિયંત્રિત કરવામાં સક્ષમ છે.” સિંહે કહ્યું કે 13 જૂનથી હિંસાને કારણે કોઈ જાનહાનિના અહેવાલ નથી. મુખ્ય પ્રધાને જણાવ્યું હતું કે ગૃહ પ્રધાને તેમને ખાતરી આપી હતી કે કેન્દ્ર સરકાર મણિપુરમાં સામાન્ય સ્થિતિ પાછી લાવવા માટે તમામ શક્ય પગલાં લેશે.
જેપી નડ્ડાએ વિસ્તૃત માહિતી આપી હતી
બીજી તરફ આજે સવારે વિદેશ પ્રવાસથી પરત ફરેલા પીએમ મોદી એરપોર્ટ પર ઉતરતાની સાથે જ પીએમ મોદીએ જેપી નડ્ડાને સવાલ પૂછ્યો કે, દેશમાં શું ચાલી રહ્યું છે? આના પર જેપી નડ્ડાએ કેન્દ્ર સરકારના 9 વર્ષ પૂરા થવા પર ચાલી રહેલા તમામ કાર્યક્રમો વિશે માહિતી આપી હતી. આ સાથે તેમણે પીએમને દેશની તાજેતરની રાજકીય સ્થિતિ અને તમામ વિષયો વિશે માહિતગાર કર્યા. જણાવી દઈએ કે પીએમ મોદી અમેરિકા અને ઈજિપ્તની ઐતિહાસિક મુલાકાત બાદ દિલ્હી પરત ફર્યા છે. અહીં એરપોર્ટ પર તેમનું ભવ્ય સ્વાગત કરવામાં આવ્યું હતું.
આ પણ વાંચોઃ Heavy Rain/ હિમાચલ પ્રદેશમાં અને હરિયાણામાં ભારે વરસાદના લીધે બધુ જળબંબાકાર
આ પણ વાંચોઃ Rain Forecast/ આ સપ્તાહમાં ગુજરાતમાં ભારે વરસાદની આગાહી
આ પણ વાંચોઃ Income Tax Return News/ ITR ફાઈલ કરનારાઓ માટે સરકારની જાહેરાત, હવે સાવધાન નહીં તો 5000નો ભરવો પડશે દંડ
આ પણ વાંચોઃ Gujarat Rains/ રાજ્યના 125 તાલુકામાં વરસાદઃ આગામી દિવસોમાં સમગ્ર રાજ્યમાં મેઘમહેર
આ પણ વાંચોઃ Delhi Electricity Rate/ રાજધાની દિલ્હીના લોકોને વીજળીનો જોરદાર આંચકો લાગ્યો, કિંમતોમાં 10 ટકા સુધીનો વધારો થશે
