મેડિકલ સાયન્સ આજે એ ઊંચાઈએ પહોંચી ચૂક્યું છે કે તેની કલ્પના કરવી મુશ્કેલ છે. ઊંચાઈની જ વાત કરી છે તો હવે જો વ્યક્તિને ઊંચાઈ વધારવી હોય તેના માટે પણ સર્જરી ઉપલબ્ધ છે. લાસ વેગાસનું એક ઈન્સ્ટિટ્યૂટ આ કારણોસર ચર્ચામાં છે. જો કે આ સર્જરી મોંઘીદાટ છે.
મેડિકલ સાયન્સ રોજ નવી નવી શોધ કરતું રહે છે. મેડિકલ સાયન્સ હવે કુદરતને પણ પડકાર ફેંકી રહ્યું છે. અમેરિકાના લાસ વેગાસમાં આવેલું લિમ્બપ્લાસ્ટ-એક્સ ઈન્સ્ટિટ્યૂટ આવી જ એક સર્જરીને લઈને ઈન્ટરનેટ પર ભારે ચર્ચામાં છે. આ સંસ્થા તમારી કુદરતી ઊંચાઈને સર્જરીની મદદથી વધારી આપે છે. હા તમે બરાબર સાંભળ્યું છે. આ સંસ્થા સર્જરી કરીને તમારી ઊંચાઈને 2થી 3 ઈંચ વધારી દે છે. એ માટે જો કે તમારે રોકડા 84 લાખ રૂપિયા ચૂકવવા પડી શકે છે. ટેક્સાસના અલ્ફોન્સો નામના વ્યક્તિએ હમણાં જ આવી સર્જરી કરાવીને પોતાની ઊંચાઈમાં 2 ઈંચ વધારો કરાવ્યો છે. અલ્ફોન્સોની ચાલ જો કે થોડી બદલાઈ છે પણ તે આ સર્જરીથી ઘણો જ ખુશ છે.
ઊંચા કદ કાઠીનું હોવું કોને ન ગમે? પણ એ માટે કુદરતે બક્ષેલી ઊંચાઈને પડકાર ફેંકવો એ બહુ મોટી વાત છે. આ સંસ્થા સાથળના ભાગના હાડકામાં છ જેટલાં કટ મુકીને તેની વચ્ચે જગ્યા કરે છે. જ્યાંથી એ હાડકુ વધે એ રીતની પ્રોસિજર કરાય છે. ધીમે ધીમે 2 ઈંચ જેટલી લંબાઈ વધે છે. અલ્ફોન્સોનો દાવો છે કે તેને ઓપરેશન સમયે બહુ તકલીફ થઈ નહોતી. તેણે આ ઓપરેશનથી બહુ દર્દ થતું હોવાનો પણ ઈનકાર કર્યો છે સાથે જ ઓપરેશનને સંપૂર્ણ સલામત ગણાવ્યું છે. સંસ્થાનો દાવો છે કે પહેલાં કરતાં અનેક ગણી વધુ ઝડપે લોકો આ સર્જરી માટે સંપર્ક કરવા લાગ્યા છે.
મંતવ્ય ન્યૂઝ દ્વારા જાહેર અપીલ –
દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…
