વિરાટ કોહલીની રોયલ ચેલેન્જર્સ બેંગ્લોર હજુ સુધી આઈપીએલની જીત નોંધાવી શક્યું નથી. ટીમ સાથે ફેન્સને પણ જીતવાનો ઉત્સાહ છે. હજુ આની રાહ ક્યારે પૂર્ણ થશે એ તો સમય જ બતાવશે. પરંતુ બે દિવસ પહેલા ચેન્નઈ સુપર કિંગ્સ અને રોયલ ચેલેન્જર્સ બેંગ્લોર વચ્ચે રમાયેલી મેચમાં એક ફેને ટીમને લઈને અલગ રીતે પોતાની દિવાનગી જાહેર કરી હતી. આ મેચમાં એક મહિલા ફેન ખાસ પોસ્ટર લઈને પહોંચી હતી, જેમાં લખ્યું હતું કે, જ્યાં સુધી આરસીબી આઈપીએલમાં જીત નહીં નોંધાવે ત્યાં સુધી હું લગ્ન નહીં કરું. આ પોસ્ટર ગર્લની તસવીર સોશિયલ મીડિયા પર ઝડપથી વાયરલ થઈ રહી છે.
ભારતીય સ્પિનર અમિત મિશ્રાએ પણ આરસીબીની આ ફેન ગ્રલની તસવીર શેર કરી હતી અને લગ્નને લઈને ચિંતા વ્યક્ત કરી હતી. અમિતે પોતાની પોસ્ટમાં લખ્યું કે, ખરેખર હવે તેના માતા-પિતાને લઈને ચિંતા થવા લાગી છે.
નવા મુંબઈના ડીવાઈ પાટિલ ક્રિકેટ સ્ટેડિયમમાં 2 દિવસ અગાઉ આરસીબી અને ચેન્નઈ સુપર કિંગ્સ વચ્ચે ટક્કર થઈ હતી. મેચ દરમિયાન જ્યારે કેમેરો આરસીબીની આ મહિલા ફેન પર ફોકસ થયો તો બધાની નજર થોડા ક્ષણ સુધી આ ફેન પર જ ટકી રહી હતી. તેનું કારણ છે કે આ ફેનના હાથમાં પકડેલું પોસ્ટર, જેમાં લખ્યું હતું કે જ્યાં સુધી આરસીબી આઈપીએલમાં ટ્રોફી નહીં જીતે ત્યાં સુધી હું લગ્ન નહીં કરું. આ જોઈને સોશિયલ મીડિયા પર યૂઝર્સે જોરદાર રિએક્શન આપ્યા છે.
આરસીબીએ આ સિઝનમાં 5 માંથી 3 મેચો જીતી
હવે આ ફેનનું સપનું ક્યારે પૂર્ણ થશે એતો કોઈને ખ્યાલ નથી. આ સિઝનમાં પણ આરસીબીનું પ્રદર્શન હજું સુધી ઠિક છે. ટીમે 5 માંથી 3 મુકાબલા જીત્યા છે અને પોઈન્ટ્સ ટેબલમાં હાલમાં છઠ્ઠા સ્થાન પર છે. આરસીબી માટે સારી વાત એ છે કે વિરાટ કોહલી, ગ્લેન મેક્સવેલ રન બનાવી રહ્યાં છે. તો બીજી તરફ બોલિંગ પર બરોબર નજર આવી રહી છે. જો કે, આઈપીએલમાં જીત નોંધાવવા માટે આરસીબીને વધું મહેનત કરવી પડશે.
આ પણ વાંચો: ગમે ત્યારે ધરતી પર તીવ્ર સૌર તોફાન આવી શકે છે! આખી દુનિયામાં ફોન સિગ્નલ પર અસર
આ પણ વાંચો: ભારતમાં 80 લાખ લોકો આધુનિક ગુલામીમાં જીવી રહ્યા છે, આ સંખ્યા વિશ્વની સૌથી મોટી સંખ્યા છે
આ પણ વાંચો: PM મોદીએ પ્રધાનમંત્રી મ્યુઝિયમનું કર્યું ઉદ્ઘાટન, ખરીદી મ્યુઝિયમની પહેલી ટિકિટ
