રાજધાની દિલ્હીની સાકેત કોર્ટમાં શુક્રવારે સવારે એક મહિલાને ગોળી મારી દેવામાં આવી હતી. આ દરમિયાન કોર્ટ પરિસરમાં ચાર રાઉન્ડ ફાયરિંગ થયાના સમાચાર છે. પોલીસ ટીમ ઘટનાસ્થળે પહોંચીને મામલાની તપાસ કરી રહી છે. પ્રારંભિક મીડિયા અહેવાલો અનુસાર, એક મહિલાને ગોળી વાગી છે. તેમને ઈજાગ્રસ્ત હાલતમાં સારવાર માટે એઈમ્સના ટ્રોમા સેન્ટરમાં લઈ જવામાં આવી છે.
અહેવાલો અનુસાર, દક્ષિણ દિલ્હીમાં સાકેત કોર્ટ સંકુલની અંદર એક મહિલાને ગોળી મારી દેવામાં આવી હતી. મહિલાની હાલત અત્યંત ગંભીર હોવાનું કહેવાય છે. તેને એઈમ્સ હોસ્પિટલમાં લઈ જવામાં આવી છે. કહેવામાં આવી રહ્યું છે કે પતિ-પત્ની વચ્ચે કોર્ટમાં કેસ ચાલી રહ્યો હતો. આ કેસમાં પીડિત મહિલા આજે કોર્ટમાં જુબાની આપવા આવી હતી. આરોપ છે કે ત્યારે જ વકીલના ડ્રેસમાં આવીને પતિએ વકીલ બ્લોક પાસે તેના પર ફાયરિંગ કર્યું હતું.
મહિલાનો પતિ હિસ્ટ્રીશીટર ગુનેગાર હોવાનું કહેવાય છે અને આરોપીની ઓળખ થઈ ગઈ છે. જો કે પોલીસ દ્વારા હજુ સુધી કોઈ સત્તાવાર માહિતી આપવામાં આવી નથી.
આવી ઘટનાઓ પહેલા પણ બની હતી
જણાવી દઈએ કે કોર્ટ પરિસરમાં ફાયરિંગની આ પહેલી ઘટના છે. અગાઉ પણ આવી ઘટનાઓ બની છે. ગયા વર્ષે 24 સપ્ટેમ્બર, 2021 ના રોજ, વકીલોના વેશમાં બે સશસ્ત્ર બદમાશોએ દિલ્હીના રોહિણી રૂમની અંદર ગોળીબાર કર્યો અને ગેંગસ્ટર જિતેન્દ્ર માન ઉર્ફે ગોગીની હત્યા કરી. આ પછી પોલીસે કરેલી જવાબી કાર્યવાહીમાં બંદૂકધારી હુમલાખોરો રાહુલ ત્યાગી અને જગદીપ જગ્ગાનું પણ ઘટનાસ્થળે જ મોત થયું હતું. કથિત રીતે બંને હુમલાખોરો વકીલોના વેશમાં કોર્ટરૂમમાં પ્રવેશ્યા હતા.
ગયા વર્ષે એપ્રિલ મહિનામાં જ રોહિણી કોર્ટમાં બે વકીલો અને તેમના એક ક્લાયન્ટ વચ્ચે ઝપાઝપી બાદ ફાયરિંગની ઘટના બની હતી. પોલીસના જણાવ્યા અનુસાર, કોર્ટમાં તૈનાત નાગાલેન્ડ આર્મ્ડ પોલીસ (NAP)ના એક કોન્સ્ટેબલે જમીન પર ગોળીબાર કર્યો હતો.
આ પણ વાંચો:હત્યા પહેલા સુપ્રીમ કોર્ટને સિક્રેટ પત્ર લખીને ગયો છે અતીક અહેમદ, હવે ખુલશે રહસ્ય?
આ પણ વાંચો:અતીક-અશરફ હત્યા કેસની તપાસ કરશે SIT, આ ત્રણ અધિકારીઓ હશે ટીમનો ભાગ
આ પણ વાંચો:ઘરના ટેરેસ પર ધાબળો ઓઢાડીને બેઠો હતો શખ્સ, નોકરને જોઈને ભાગ્યો, નવજોત સિંહ સિદ્ધુએ કર્યું ટ્વિટ
આ પણ વાંચો:જો શરીર પર એક પણ ટેટૂ હશે તો તમને સરકારી નોકરી નહીં મળે; જાણો શું છે કારણ
આ પણ વાંચો:આઝમ ખાનની તબિયત બગડી, દિલ્હીની આ હોસ્પિટલમાં દાખલ
