ચેન્નઈ સુપર કિંગ્સ (CSK) નાં કેપ્ટન મહેન્દ્ર સિંહ ધોનીએ સ્પષ્ટ કર્યું છે કે, તે ઓછામાં ઓછી વધુ એક સીઝન માટે પોતાની મનપસંદ પીળી જર્સી પહેરશે અને ‘વ્હિસલ પોડુ’ (CSK ચાહકો) સેના તેમને તેમના પ્રિય ચેપૌક મેદાન પર વિદાઇ લેતા જોશે. ‘ફેરવેલ મેચ’ માં તમે મને રમતા જોઈ શકશો. કેટલાક સમયથી ધોનીની નિવૃત્તિ અંગે ચર્ચાઓ ચાલી રહી છે, પરંતુ તેણે મંગળવારે પ્રથમ વખત સ્પષ્ટ સંકેત આપ્યા છે કે તે આગામી સીઝનમાં રમતો જોવા મળશે કારણ કે આગામી IPL હરાજીમાં ટીમમાં મોટો ફેરફાર થશે.
આ પણ વાંચો – Sports / ઈંગ્લેન્ડ અને ચેન્નાઈ સુપર કિંગ્સને મોટો આંચકો, સ્ટાર ઓલરાઉન્ડર IPL 2021 અને T 20 વર્લ્ડ કપમાંથી બહાર
ટીમ ઈન્ડિયાનાં ભૂતપૂર્વ કેપ્ટન અને આ દિવસોમાં IPL માં ચેન્નઈ સુપર કિંગ્સ (CSK) ની કમાન સંભાળી રહેલા એમએસ ધોની હવે તેની કારકિર્દીનાં છેલ્લા વળાંક પર છે. મંગળવારે એક કાર્યક્રમ દરમિયાન, જ્યારે ધોનીને તેની નિવૃત્તિને લગતા પ્રશ્નો પૂછવામાં આવ્યા, ત્યારે તેણે એવો પણ સંકેત આપ્યો કે, તે IPL 2022 માં રમ્યા બાદ ક્રિકેટને અલવિદા કહી શકે છે. દરમિયાન, એક ચાહકે તેના ભાવિ ઇરાદા સાથે સંબંધિત પ્રશ્ન પૂછ્યો. તેને પૂછવામાં આવ્યું કે શું તે ક્રિકેટ બાદ બોલિવૂડમાં જશે? ચેન્નઈ સુપર કિંગ્સનાં આ ખાસ કાર્યમાં જ્યારે ધોનીને પૂછવામાં આવ્યું કે શું તે ક્રિકેટને અલવિદા કહીને ફિલ્મોમાં અભિનય કરશે? તો તેના જવાબમાં માહીએ સ્પષ્ટપણે કહ્યું કે, તે બોલિવૂડ તરફ વળવાનું મન નથી કરી રહ્યો. ચાહકોનાં પ્રશ્નનો જવાબ આપતા તેમણે કહ્યું કે, તમે જાણો છો કે બોલિવૂડ ખરેખર સરળ નથી. જ્યાં સુધી કોમર્શિયલનો સવાલ છે, હું તે કરવામાં ખુશ છું. જ્યારે ફિલ્મોની વાત આવે છે, ત્યારે મને લાગે છે કે તે ખૂબ જ અઘરો વ્યવસાય છે અને કરવું ખૂબ જ મુશ્કેલ છે.”
આ પણ વાંચો – T 20 વર્લ્ડકપ / ભારત અને પાકિસ્તાન વચ્ચેની મેચ ચાહકોના ધબકારા સાથે, પ્રસારણ કંપનીઓના ખિસ્સાનું વજન પણ વધારશે
આ પ્રશ્ન વિશે ધોનીને પહેલા પણ ઘણી વખત પૂછવામાં આવ્યુ છે અને દરેક વખતે તે એક જ જવાબ આપતો રહ્યો છે. ધોની અત્યાર સુધી બોલિવૂડ સાથે સીધો સંબંધ ધરાવતો નથી, પરંતુ તે તેની બાયોપિકમાં થોડો ફાળો આપીને ચોક્કસપણે ઉદ્યોગ સાથે સંકળાયેલો છે. ભૂતપૂર્વ કેપ્ટન ધોનીની ફિલ્મ ‘એમએસ ધોની – ધ અનટોલ્ડ સ્ટોરી’નાં પ્રમોશનમાં પણ તે જોવા મળ્યો હતો અને ફિલ્મ પર સ્વર્ગસ્થ અભિનેતા સુશાંત સિંહ રાજપૂત સાથે ઘણો સમય પસાર કર્યો હતો.
