અનુપપુરા ગામના ડાલૂ વાલી ઢાનીમાં 18 વર્ષીય અનોખી નામની યુવતીએ એક અનોખી ઘટના બનાવી હતી. પરિવારને ખેતરમાં આવેલા બોરવેલ નજીક અનોખીના કપડાં અને પત્ર મળી આવ્યો હતો. પત્રમાં લખ્યું હતું- હવે હું નહીં મળીશ… હું મારા પિતા અને દાદીને ખૂબ ચાહું છું… હું બાલાજીનો દેવદૂત છું…. પરિવારે અનોખીના બોરવેલમાં કુદીને આત્મહત્યાની સંભાવના અંગે પોલીસને જાણ કરી હતી.
પોલીસ અને વહીવટી કર્મચારીઓ ઘટના સ્થળે પહોંચી ગયા હતા અને ઉતાવળમાં બચાવ કામગીરી શરૂ કરવામાં આવી હતી. જેસીબી મશીન બોલાવી બોરવેલ ખોદકામ શરૂ કરાયું હતું. ખોદકામનું કામ લગભગ સાત કલાક ચાલ્યું હતું. તે જ સમયે, પોલીસને જાણ થઈ કે જે યુવતીની શોધ બોરવેલમાં કરવામાં આવી રહી છે તે યુવતી જયપુરમાં તેના પ્રેમીની સાથે મળી છે
બોરવેલની પહોળાઈ ઓછી હોવાથી પોલીસને થઇ શંકા
પરિવારે જણાવ્યું કે, ખેતરમાં કાચો અનઉપયોગી બોરવેલ પથ્થરથી ઢાકાયેલો હતો, પરંતુ બોરવેલ પરથી પત્થર હટાવેલો જોવા મળો અને નજીકમાં જ યુવતીના કપડાં મળી આવ્યા હતા. આ આધારે છોકરી બોરવેલમાં પડવાની ધારણા કરી હતી. અહીં પોલીસને પહેલા જ શંકા ગઈ હતી. ખરેખર, બોરવેલની પહોળાઈ ઓછી હતી અને છોકરીની ઉંમર 18 વર્ષની આસપાસની છે. બોરવેલમાં આટલી મોટી છોકરી પડી એ વાત પોલીસે પચાતી ન હતી. આ કેસને શંકાસ્પદ ગણાવી 2 દિશામાં તપાસ ઝુંબેશ હાથ ધરવામાં આવી હતી. પરિવારજનોએ કરેલી તપાસના આધારે પોલીસે તપાસ માટે એક ટીમને જયપુર બેઝ પર મોકલી હતી.
પોલીસ અધિકારી મનરાજ મીણાએ જણાવ્યું કે યુવતી અનોખી દેવીને જયપુરના સીતાપુરામાં એક મકાનમાંથી પકડવામાં આવી હતી. તેની સાથે એક યુવક પણ છે જે જયપુરની કંપનીમાં નોકરી કરે છે. મામલો કોઈ પ્રેમ પ્રણયનો છે. પોલીસ યુવતીને લઈને લાલસોટ પહોંચી હતી. પોલીસે 14 કલાકમાં યુવતીને હવાલે કરી કાર્યવાહી અટકાવી હતી. મશીનો પરત આવી ગયા છે. નિયમો મુજબ, યુવતી દ્વારા બોરવેલમાં પડવાનું નાટક કરવા અને વહીવટને ખલેલ પહોંચાડવામાં આવતા કાયદેસરની કાર્યવાહી કરવામાં આવશે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.