AK-203 Assault Rifles: ભારતીય સૈનિકોને ટૂંક સમયમાં AK-203 એસોલ્ટ રાઈફલ્સની પ્રથમ બેચ મળવા જઈ રહી છે. છેલ્લા ઘણા સમયથી પેન્ડિંગ પ્રોજેક્ટ શરૂ થયો છે. ઉત્તર પ્રદેશના અમેઠી જિલ્લાના કોરવા ખાતે ઈન્ડો-રશિયન રાઈફલ્સ પ્રાઈવેટ લિમિટેડ (IRRPL) મેન્યુફેક્ચરિંગ યુનિટે AK-203 કલાશ્નિકોવ એસોલ્ટ રાઈફલ્સનું ઉત્પાદન શરૂ કર્યું છે.
ગયા અઠવાડિયે આર્મી ચીફ જનરલ મનોજ પાંડેએ દાવો કર્યો હતો કે 5,000 AK-203 રાઈફલ્સ(AK-203 Assault Rifles)ની પ્રથમ બેચ આ વર્ષે માર્ચ સુધીમાં સેનાને સોંપવામાં આવશે. જ્યારે આગામી 32 મહિનામાં ભારતીય સેનાને 70 હજાર એકે-203 રાઈફલો સોંપવામાં આવશે. આગામી 10 વર્ષમાં 6 લાખ 1 હજાર 427 રાઈફલ બનાવવામાં આવશે.
AK-203 પ્રોજેક્ટની જાહેરાત વર્ષ 2018માં કરવામાં આવી હતી, પરંતુ ખર્ચ, રોયલ્ટી અને ટેક્નોલોજી પર વાટાઘાટો થઈ શકી ન હતી, તેથી પ્રોજેક્ટ શરૂ કરવામાં વિલંબ થયો હતો. હવે ઈન્ડો-રશિયન રાઈફલ્સ પ્રાઈવેટ લિમિટેડના પ્લાન્ટમાં રાઈફલ્સ (AK-203 Assault Rifles)નું ઉત્પાદન શરૂ થઈ ગયું છે.
ઉત્તર પ્રદેશના અમેઠીમાં કોરવા ઓર્ડિનન્સ ફેક્ટરીમાં 7.62 એમએમ એસોલ્ટ રાઈફલ્સની પ્રથમ બેચ બનાવવામાં આવી છે. તેને ટૂંક સમયમાં ભારતીય સેનાને સોંપવામાં આવશે. આ સાથે, આ ફેક્ટરીમાં ભારતના અન્ય સુરક્ષા દળોને પણ હથિયારો પૂરા પાડવાની ક્ષમતા છે. આ સિવાય કંપની અન્ય દેશોમાં પણ હથિયારોની નિકાસ કરવાની ક્ષમતા ધરાવે છે.
AK 203 રાઈફલ એ એકે શ્રેણીની સૌથી ઘાતક અને આધુનિક રાઈફલ છે. તેમાં પરંપરાગત એકે શ્રેણીની તમામ વિશેષતાઓ છે. રશિયાએ તેને 2018માં તૈયાર કર્યું હતું. AK 203 એસોલ્ટ રાઇફલ્સ હળવી અને તમામ હવામાન પરિસ્થિતિઓમાં અસરકારક છે. આ હથિયારથી એક મિનિટમાં 700 રાઉન્ડ ફાયરિંગ કરી શકાય છે. તેની રેન્જ 500 થી 800 મીટર છે. એક મેગેઝિન 30 રાઉન્ડ ફાયરિંગ ક્ષમતા ધરાવે છે. AK 203 એસોલ્ટ રાઈફલનું વજન 3.8 કિલો છે. જ્યારે તેની લંબાઈ 705 મીમી છે.
