બુધવાર 29 નવેમ્બર 2023નું ટ્રેડિંગ સત્ર ભારતીય શેરબજાર માટે ખૂબ જ ઐતિહાસિક હતું. આજે રોકાણકારોની ખરીદીને કારણે બજારમાં નોંધપાત્ર ઉછાળો જોવા મળ્યો. શેરબજારમાં જોરદાર ઉછાળાના કારણે નિફ્ટી 20,000નો આંકડો પાર કરવામાં સફળ રહ્યો હતો. પ્રથમ વખત ભારતીય શેરબજારની માર્કેટ મૂડી 4 ટ્રિલિયન ડોલરને પાર કરી ગઈ છે. બેંકિંગ, આઈટી અને ઓટો શેરોમાં મજબૂત ઉછાળાને કારણે બીએસઈ સેન્સેક્સ 728 પોઈન્ટના ઉછાળા સાથે 66,901 પર અને નેશનલ સ્ટોક એક્સચેન્જનો નિફ્ટી 207 પોઈન્ટના ઉછાળા સાથે 20097 પર બંધ રહ્યો હતો.
આજના કારોબારમાં બેન્કિંગ શેરોમાં ખરીદીના કારણે નિફ્ટીમાં જોરદાર ઉછાળો જોવા મળ્યો હતો. બેંક નિફ્ટી 686 પોઈન્ટના ઉછાળા સાથે 44,566 પોઈન્ટ પર બંધ રહ્યો હતો. આ સિવાય ઓટો, આઈટી, ફાર્મા, એફએનસીજી, મેટલ્સ, ઈન્ફ્રા, હેલ્થકેર અને ઓઈલ એન્ડ ગેસ સેક્ટરના શેર પણ તેજી સાથે બંધ થયા હતા. કન્ઝ્યુમર ડ્યુરેબલ્સ, મીડિયા અને રિયલ એસ્ટેટ શેરોમાં ઘટાડો નોંધાયો હતો. આજના કારોબારમાં મિડ કેપ અને સ્મોલ કેપ શેરોમાં જોરદાર ખરીદીને કારણે આ સૂચકાંકોમાં જોરદાર ઉછાળો જોવા મળ્યો હતો. સેન્સેક્સના 30 શેરોમાંથી 26 શેર ઉછાળા સાથે અને 4 નુકસાન સાથે બંધ થયા હતા. જ્યારે નિફ્ટીના 50 શેરોમાંથી 41 શેર ઉછાળા સાથે અને 9 નુકસાન સાથે બંધ થયા હતા.
બજારમાં આવેલા જબરદસ્ત ઉછાળાને કારણે BSE પર લિસ્ટેડ કંપનીઓના માર્કેટ કેપમાં જોરદાર ઉછાળો જોવા મળ્યો હતો. આજે રોકાણકારોને સારો લાભ મળ્યો. આજના વેપારમાં રોકાણકારોની સંપત્તિમાં રૂ. 2.20 લાખ કરોડનો ઉછાળો આવ્યો છે. એક્સિસ બેન્ક 3.92 ટકા, મહિન્દ્રા એન્ડ મહિન્દ્રા 3.38 ટકા, વિપ્રો 2.32 ટકા, ટાટા મોટર્સ 2.09 ટકા, HDFC બેન્ક 1.94 ટકાના વધારા સાથે બંધ થયો જ્યારે નેસ્લે 0.67 ટકા અને ટાઇટન કંપની 0.49 ટકા ધટાડા સાથે બંધ થયો.
