આઈપીએલનાં શોખીન માટે એક સારા સમાચાર સામે આવી રહ્યા છે. આઈપીએલ એક એવુ ફોર્મેટ છે કે જેમા તમારા મનપસંદ ખેલાડીઓ જુદી જુદી ટીમોમાં તમને જોવા મળે છે, ત્યારે તમે કઈ ટીમને સપોર્ટ કરો જો તે તમે નક્કી નથી કરી શકતા તો તમને જણાવી દઇએ કે બીસીસીઆઈ તમારુ આ કામ આસાન કરવા જઇ રહ્યુ છે.
જો તમે ભૂતપૂર્વ કેપ્ટન મહેન્દ્રસિંહ ધોની, ટીમ ઈન્ડિયાનાં કેપ્ટન વિરાટ કોહલી અને રોહિત શર્મા ને આઈપીએલ-2020 માં એક જ ટીમમાં રમતા જોવા માંગતા હોવ, તો તે દિવસે પણ હવે બહુ દૂર નથી. આ ત્રણેય ખેલાડીઓ એક જ ટીમ તરફથી રમતા તમને જોવા મળશે, તે મેચ પણ આઈપીએલની જ હશે. બીસીસીઆઈએ પોતાની ઇચ્છા પૂરી કરવા માટે વિશેષ તૈયારી શરૂ કરી દીધી છે, ટૂંક સમયમાં તેનો અમલ કરવામાં આવશે. હજી સુધી, જો તમે આખો મામલો સમજી શક્યા નથી, તો અમે તમારી મુશ્કેલી સરળ બનાવી દઇએ. ચાલો તમને જણાવીએ કે આ ક્યારે, કેવી રીતે અને કેમ થવાનું છે.
જણાવી દઇએ કે, બીસીસીઆઈની યોજના છે કે આઈપીએલની તમામ આઠ ફ્રેન્ચાઇઝીઓને જોડીને બે ઓલ-સ્ટાર ટીમો બનાવવામાં આવે. આ બંને ટીમો વચ્ચે મેચ રમાય અને તે પણ આઈપીએલની શરૂઆત પહેલા. ESPNcricinfo નાં અહેવાલ મુજબ, આઠમાંથી ચાર ફ્રેન્ચાઇઝીને ભેગી કરીને એક ટીમ બનાવવામાં આવે અને ચાર ફ્રેન્ચાઇઝી ભેગી કરીને એક અન્ય ટીમની રચના કરવામાં આવે. જો આવું થાય, તો કિંગ્સ ઇલેવન પંજાબ, દિલ્હી કેપિટલ, રાજસ્થાન રોયલ્સ અને કોલકાતા નાઈટ રાઇડર્સની ટીમોની એક ટીમ બનાવવામાં આવશે. બીજી તરફ, ચેન્નાઈ સુપર કિંગ્સ, રોયલ ચેલેન્જર્સ બેંગ્લોર, સનરાઇઝર્સ હૈદરાબાદ અને મુંબઇ ઇન્ડિયન્સનાં ખેલાડીઓને જોડીને એક ટીમ બનાવવામાં આવી શકે છે.
હાલમાં આ માટેની તૈયારી ચાલી રહી છે, જો કે હજી આ નિર્ણય લેવામાં આવ્યો નથી કે આ મેચ ક્યાં રમાશે, તે પણ હજી ફાઇનલ થયું નથી. પરંતુ એવું કહેવામાં આવી રહ્યું છે કે આ મેચ આઈપીએલનાં ઔપચારિક ઉદઘાટનનાં ત્રણ દિવસ પહેલા રમાશે. બીસીસીઆઈનાં પ્રમુખ સૌરવ ગાંગુલી અને આઈપીએલનાં અધ્યક્ષ બ્રિજેશ પટેલે આઇપીએલ અંગેની બેઠકમાં આ વિચાર મૂક્યો છે, જેના પર વધુ ચર્ચા થઈ શકે છે. અત્યારે કહેવામાં આવી રહ્યું છે કે, આ મેચ 26 માર્ચે રમાશે. જો આવું થાય, તો આઈપીએલનાં ઇતિહાસમાં આ પહેલીવાર બનશે, જ્યારે આઈપીએલનાં તમામ પ્રખ્યાત ખેલાડીઓ બે ટીમોમાં ભાગલા પાડ્યા પછી મેચ રમતા જોવા મળશે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.