New Delhi News: કોંગ્રેસે ચૂંટણી ઢંઢેરો જાહેર કર્યો જેને ન્યાય પત્ર નામ આપવામાં આવ્યું છે. જે 5 ન્યાય અને 25 ગેરંટી પર આધારિત છે. જોકે, ભાજપને કોંગ્રેસ દ્વારા જાહેર કરવામાં આવેલા ચૂંટણી ઢંઢેરામાં મુસ્લિમ લીગની છાપ દેખાઈ છે. કોંગ્રેસે પક્ષના ચૂંટણી ઢંઢેરા પર મુસ્લિમ લીગની છાપ પર ટિપ્પણીને લઈ વડાપ્રધાન નરેન્દ્ર મોદી પર નિશાન સાધ્યું છે.
કોંગ્રેસે કહ્યું કે ભાજપ લોકસભા ચૂંટણીમાં 180 બેઠકો જીતી શકશે કે નહીં તેનો ડર છે અને ફરીથી એ જ ઘસાયેલી હિંદુ-મુસ્લિમ મુદ્દાનો સહારો લીધો છે. કોંગ્રેસ અધ્યક્ષ મલ્લિકાર્જુન ખડગેએ કહ્યું કે ભાજપની ચૂંટણીની સ્થિતિ દિનપ્રતિદિન ખરાબ થઈ રહી છે. એવામાં RSSને પોતાના જૂના મિત્ર મુસ્લિમ લીગની યાદ આવી ગઈ છે.
मोदी-शाह के राजनीतिक व वैचारिक पुरखों ने स्वतंत्रता आंदोलन में भारतियों के ख़िलाफ़, अंग्रेज़ों और मुस्लिम लीग का साथ दिया।
आज भी वो आम भारतियों के योगदान से बनाए गए ‘कांग्रेस न्याय पत्र’ के ख़िलाफ़ मुस्लिम लीग की दुहाई दे रहे हैं।
मोदी-शाह के पुरखों ने 1942 में “भारत छोड़ो”…
— Mallikarjun Kharge (@kharge) April 8, 2024
વડાપ્રધાન મોદીએ કોંગ્રેસ પર આકરા પ્રહારો કર્યાના એક દિવસ પછી આવી. જેમાં આક્ષેપ કરવામાં આવ્યો છે કે કોંગ્રેસના ચૂંટણી ઢંઢેરામાં મુસ્લિમ લીગની છાપ છે અને તેના નેતાઓના નિવેદનો રાષ્ટ્રીય અખંડિતતા અને સનાતન ધર્મ પ્રત્યેની દુશ્મનાવટ દર્શાવે છે.
કોંગ્રેસ અધ્યક્ષે વધુમાં કહ્યું કે બધા જાણે છે કે, તમારા પૂર્વજોએ 1940માં મુસ્લિમ લીગ સાથે મળીને બંગાળ, સિંધ અને NWFPમાં પોતાની સરકારો બનાવી હતી. શું શ્યામા પ્રસાદ મુખર્જીએ તત્કાલિન બ્રિટિશ ગવર્નરને પત્ર લખ્યો ન હતો કે દેશમાં અને કોંગ્રેસમાં 1942ના ભારત છોડો આંદોલનને કેવી રીતે દબાવી શકાય? અને આ માટે તે અંગ્રેજોને ટેકો આપવા તૈયાર હતો?’
PM મોદી પર નિશાન સાધતા મલ્લિકાર્ઝુન ખડગેએ કહ્યું કે ‘આજે મોદી-શાહ અને તેમના નામાંકિત પ્રમુખ કોંગ્રેસના ચૂંટણી ઢંઢેરાને લઈને ખોટી અફવાઓ ફેલાવી રહ્યા છે. મોદીજીના ભાષણો RSSના એજન્ડાની ઝાંખી કરાવે છે. ભાજપની ચૂંટણીની સ્થિતિ દિવસેને દિવસે એટલી ખરાબ થઈ રહી છે કે આરએસએસને તેના જૂના મિત્ર – મુસ્લિમ લીગને યાદ કરવા લાગ્યા છે. તેમણે ભારપૂર્વક જણાવ્યું હતું કે માત્ર એક જ સત્ય છે કે કોંગ્રેસનું ચાર્ટર ભારતના 140 કરોડ લોકોની આશાઓ અને આકાંક્ષાઓને પ્રતિબિંબિત કરે છે. તેમની સંયુક્ત તાકાત વડાપ્રધાન મોદીના 10 વર્ષના અન્યાયનો અંત લાવશે.
આ પણ વાંચો:કોંગ્રેસની સભામાં બેનર પર ભાજપના નેતાનો ફોટો જોવા મળ્યો
આ પણ વાંચો:દિલ્હીની હોસ્પિટલમાંથી બાળકોની ચોરી થતા ફફડાટ
આ પણ વાંચો:કોંગ્રેસના ચૂંટણી ઢંઢેરામાં OPS, PMLAનો નથી ઉલ્લેખ, તો મોદીની ગેરંટીના દાવાને ગળાવ્યા પોકળ
