હાલમાં ઉત્તર પ્રદેશ વિધાનસભા ચૂંટણીને લઈને રાજ્યનું રાજકારણ ગરમાયું છે. આ દરમિયાન બસપા પ્રમુખ માયાવતીએ બરેલીમાં એક રેલીને સંબોધી હતી. માયાવતીએ કહ્યું કે બરેલી ડિવિઝનના ઉમેદવારોના સમર્થનમાં રેલીમાં આવેલા લોકોનો હૃદયપૂર્વક આભાર, બસપા વિધાનસભાની ચૂંટણીમાં પોતાની સરકાર બનાવવા માટે સંપૂર્ણ તાકાત સાથે લડી રહી છે. તેમણે કહ્યું કે જાતિવાદી અને અહંકારી સરકારને હટાવવા માટે બસપાએ સર્વ સમાજના લોકોને ટિકિટ આપીને ઉમેદવાર બનાવ્યા છે. કોંગ્રેસની પણ લાંબા સમયથી દેશ અને રાજ્યમાં સરકાર રહી છે. પરંતુ તેની જાતિવાદી ખોટી નીતિઓને કારણે દેશની સાથે અનેક રાજ્યોમાં કોંગ્રેસનો અંત આવ્યો છે.
આ પણ વાંચો :SP મહાસચિવે અખિલેશની સામે મંચ પર જિલ્લા અધ્યક્ષને થપ્પડ મારવાનો કર્યો પ્રયત્ન
બસપા સુપ્રીમોએ વધુમાં કહ્યું કે જ્યારે કોંગ્રેસ સત્તામાં હોય છે ત્યારે તેને દલિતો, પછાત અને મહિલાઓના ઉત્થાનનું યાદ નથી આવતું. સપા સરકારમાં ગુંડાઓ અને માફિયાઓનું રાજ છે. જેના કારણે સપા સરકારમાં હંમેશા તણાવની સ્થિતિ રહે છે અને કારોબારનું વાતાવરણ નથી. ભાજપની નીતિઓનો એજન્ડા પણ મૂડીવાદી છે, જેના કારણે ભાજપ સરકારમાં ગરીબોનું શોષણ થાય છે. ભાજપ સરકારમાં દલિતો અને પછાત અને લઘુમતી સમાજ પર અત્યાચાર થાય છે. સરકારી ક્ષેત્રનું ખાનગીકરણ કરીને ભાજપે અનામતની ભાવનાને નષ્ટ કરવાનું કામ કર્યું છે.
માયાવતીએ કહ્યું કે ભાજપ સરકારે મુસ્લિમ સમાજના લોકોમાં ગભરાટ ફેલાવ્યો છે, સમાજના અન્ય વર્ગના લોકો પણ ભાજપથી નાખુશ છે. આ વખતે ભાજપ સરકારમાં સવર્ણોએ પણ ઉપેક્ષા અનુભવી છે. મોંઘવારીએ લોકોની મુશ્કેલીમાં પણ વધારો કર્યો છે. ચૂંટણી બાદ ફરી એકવાર પેટ્રોલ અને ડીઝલના ભાવમાં વધારો થશે. યુપીના લોકો ખૂબ જ દુઃખી અને પરેશાન છે. કોરોનાના કારણે જનતાની હાલત વધુ કફોડી બની છે.
આ પણ વાંચો :રાહુલ ગાંધીએ ચન્નીને ગરીબનો દીકરો કહ્યુ, પણ શું ખરેખર તે ગરીબ છે? જાણો
આ પણ વાંચો : ચૂંટણી પહેલા ગુરમીત રામ રહીમ જેલમાંથી આવશે બહાર, 3 અઠવાડિયાની રજા મળશે
આ પણ વાંચો :કામેંગ સેક્ટરમાં હિમસ્ખલનમાં ફસાયા સેનાના સાત જવાન, બચાવ કામગીરી ચાલુ
