રાજધાનીની માંગ અંગે મેઘાલયના મુખ્યમંત્રી કોનરાડ કે. સંગમાની ઓફિસ પર ટોળાએ હુમલો કર્યો હતો. આ હુમલામાં 5 લોકો ઘાયલ થયા છે.મુખ્યમંત્રીએ CMO તુરા ખાતે 3 કલાકથી વધુ સમય સુધી આંદોલનકારી સંગઠનો સાથે શાંતિપૂર્ણ ચર્ચા કરી હતી. આ દરમિયાન સીએમઓ તુરા પાસે અચાનક હજારોની ભીડ આવી અને પથ્થરમારો શરૂ કરી દીધો હતો.મેઘાલયથી મોટા સમાચાર આવી રહ્યા છે. તુરામાં ટોળાએ મુખ્યમંત્રી કાર્યાલય પર પથ્થરમારો કર્યો હતો. જેમાં પાંચ સુરક્ષાકર્મીઓ ઘાયલ થયા હતા. હાલમાં મુખ્યમંત્રી કોનરાડ સંગમા સુરક્ષિત છે. જો કે, તે હજુ પણ તુરામાં તેની ઓફિસની અંદર છે. સેંકડો લોકોએ તેમની ઓફિસને ઘેરી લીધી હતી.
સ્તવમાં, ગારો હિલ્સ આધારિત નાગરિક સમાજ જૂથો તુરામાં શિયાળુ રાજધાનીની માંગ સાથે ભૂખ હડતાળ પર છે. સાંજે વાતાવરણ તંગ બની ગયું જ્યારે સેંકડો લોકો મુખ્યમંત્રી કાર્યાલયની બહાર એકઠા થયા અને પથ્થરમારો શરૂ કર્યો. હુમલામાં પાંચ સુરક્ષાકર્મીઓ ઘાયલ થયા હતા. તેમને સીએમ સંગમાની ઓફિસની અંદર લાવવામાં આવ્યા હતા.
સંગમા ઘાયલોની સંભાળ લેતા જોવા મળ્યા હતા.
ફોટામાં ઘાયલ સુરક્ષાકર્મી જમીન પર પડેલા જોવા મળી રહ્યા છે. જ્યારે સંગમા તેમની સંભાળ લઈ રહ્યા છે. સંગમા સુરક્ષિત છે, પરંતુ તેઓ ઓફિસ છોડી શકતા નથી. કારણ કે આંદોલનકારીઓએ રસ્તો બ્લોક કરી દીધો છે. મુખ્યમંત્રી કાર્યાલય સંગમાએ કહ્યું કે સ્થિતિ નિયંત્રણમાં છે પરંતુ તંગ છે.
CM આંદોલનકારીઓ સાથે વાત કરી રહ્યા હતા, પછી પથ્થરમારો થયો
સંગમા વિરોધીઓ સાથે વાત કરી રહ્યા હતા ત્યારે ભીડમાંથી કેટલાક લોકોએ પથ્થરમારો શરૂ કર્યો હતો. તુરામાં વિન્ટર કેપિટલની માંગ કરી રહેલા નાગરિક સમાજના જૂથોમાં અચીક અને જીએચએસએમસીનો સમાવેશ થાય છે.
