તાલિબાન સત્તામાં આવ્યા બાદ સમગ્ર અફઘાનિસ્તાનની કિસ્મત બદલાઈ ગઈ છે. લગભગ એક વર્ષ થઈ ગયું છે, પરંતુ અફઘાનિસ્તાનની સ્થિતિમાં કોઈ સુધારો થયો નથી. લોકો ભારે ગરીબીનો સામનો કરી રહ્યા છે. અફઘાનિસ્તાનમાંથી પણ તાલિબાન આદેશો આવતા જ રહે છે. ક્યારેક મહિલાઓને ડ્રાઇવિંગ કરતા અટકાવે છે અને ક્યારેક તેમના ચહેરા છુપાવે છે. પરંતુ હવે અફઘાનિસ્તાનની ખરાબ પરિસ્થિતિમાં એક પત્રકાર પણ ફસાઈ ગયો છે. મુસા મોહમ્મદી લોકપ્રિય પત્રકાર હતો.
હાલમાં જ એક વ્યક્તિ અફઘાનિસ્તાનની સડકો પર પકોડા વેચતો જોવા મળ્યો હતો. ઇન્ટરનેટ પર આ વ્યક્તિનો ફોટો આવતા જ ખળભળાટ મચી ગયો હતો. આ વ્યક્તિ બીજું કોઈ નહીં પણ ભૂતપૂર્વ ન્યૂઝ એન્કર અને રિપોર્ટર મુસા મોહમ્મદી હતો. હામિદ કરઝાઈ સરકારમાં કામ કરી ચૂકેલા કબીર હકમલે આ તસવીર ટ્વીટ કરી છે જેમાં તાલિબાન શાસનમાં અફઘાનિસ્તાનમાં પત્રકારોની સ્થિતિ દર્શાવવામાં આવી છે.
તાલિબાની શાસનમાં મુસાને ગરીબીમાં ધકેલવામાં આવ્યો હતો. રસ્તાના કિનારે પકોડા વેચતા મુસાની તસવીર અને તેના ન્યૂઝ એન્કરિંગના દિવસોની તસવીર ટ્વીટ કરતાં હકમલે લખ્યું, “તાલિબાન શાસનમાં પત્રકારોનું જીવન. મુસા મોહમ્મદીએ ઘણાં વર્ષોથી વિવિધ ન્યૂઝ ચેનલોમાં એન્કર અને રિપોર્ટર તરીકે કામ કર્યું છે અને હવે તેની પાસે પરિવારને ખવડાવવા માટે કોઈ વિકલ્પ નથી, આ કારણે તે રસ્તાના કિનારે પકોડા વેચી રહ્યો છે. પ્રજાસત્તાકના પતન પછી અફઘાનિસ્તાન અત્યંત ગરીબીનો સામનો કરી રહ્યું છે. એકહથ્થા કે આપખુદશાહીશાસનનું કેટલું ભયંકર પરિણામ હોય શકે છે તેનું આ ઉદાહરણ છે.
આ પણ વાંચો :પીએસઆઇની ભરતીમાં જનરલ કેટેગરીને અન્યાયઃ પાટીદાર સમાજ
