મધ્યપ્રદેશના ભૂતપૂર્વ મુખ્ય પ્રધાન શિવરાજસિંહ ચૌહાણે બુધવારે (29 જાન્યુઆરી) કહ્યું હતું કે વિશ્વની કોઈ શક્તિ સિટિઝનશિપ એમેન્ડમેન્ટ એક્ટ (સીએએ) ના અમલીકરણને રોકી શકે નહીં. આ સાથે તેમણે વડા પ્રધાન નરેન્દ્ર મોદીને સિંહ ગણાવ્યા હતા જે ધમકીઓથી ડરતા નથી.
વ્યાંગાત્મક શાબ્દિક પ્રહારો કરવા માટે જાણીતા શિવરાજસિંહે જણાવ્યું હતું કે, “દુનિયામાં કંઈ પણ સીએએના અમલને રોકી શકે નહીં. નરેન્દ્ર મોદી એવા વડા પ્રધાન છે કે જે ધમકીઓથી ડરતા નથી. તેઓ સિંહ છે. જો નરેન્દ્ર મોદી ભગવાન રામ હોય તો અમિત શાહ ભગવાન રામનાં હનુમાન. “
ગયા વર્ષે ડિસેમ્બરમાં, ચૌહાણે જયપુરમાં નાગરિકત્વ કાયદો લાવવા અને 31 ડિસેમ્બર 2014 સુધી પાકિસ્તાન, અફઘાનિસ્તાન અને બાંગ્લાદેશથી આવેલા બિન-મુસ્લિમોને ભારતનું નાગરિકત્વ આપવા માટે વડા પ્રધાન નરેન્દ્ર મોદીની ભગવાન સાથે સરખામણી કરી હતી.
નાગરિકતા સુધારો અધિનિયમ 10 જાન્યુઆરીએ અમલમાં આવ્યો હતો.
આ નાગરિકતા સુધારો કાયદો, 31 ડિસેમ્બર 2014 સુધીમાં દેશમાં આવેલા હિન્દુ, શીખ, બૌદ્ધ, ખ્રિસ્તી, જૈન અને પારસી સમુદાયોના અફઘાનિસ્તાન, પાકિસ્તાન અને બાંગ્લાદેશથી ભારતનું નાગરિકત્વ આપવાની જોગવાઈ કરે છે. રાષ્ટ્રપતિ રામ નાથ કોવિંદે તેમની મંજૂરી 12 ડિસેમ્બરના રોજ સંસદ દ્વારા પસાર કરાયેલ નાગરિકતા સુધારણા બિલ 2019 પર આપી હતી. રાષ્ટ્રપતિની મંજૂરી સાથે, આ કાયદો બનાવવામાં આવ્યો હતો અને 10 જાન્યુઆરીએ જાહેર કરાયેલ જાહેરનામું પછી તે દેશમાં લાગુ થઈ ગયો છે.
ચાર રાજ્યોએ સીએએ વિરુદ્ધ ઠરાવ પસાર કર્યો છે
પશ્ચિમ બંગાળ વિધાનસભાએ 27 જાન્યુઆરીએ સુધારેલા નાગરિકત્વ અધિનિયમ (સીએએ) વિરુદ્ધ ઠરાવ પસાર કર્યો , અને તેની સાથે તેમ કરવાવાળું બીન-બીજેપી શાસિત ચોથું રાજ્ય બન્યું હતું. અગાઉ કેરળ, રાજસ્થાન અને પંજાબે નવા નાગરિકત્વ કાયદા સામે ઠરાવો પસાર કર્યા છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
