નવી દિલ્હી,
પ્રાઈવેટ એરલાઇન્સ કંપની ઇન્ડિગો પોતાની ૧૨મી વર્ષગાંઠ કઈક ખાસ અંદાજમાં મનાવવા જઈ રહી છે અને જેનો સીધો ફાયદો યાત્રીઓને મળવા જઈ રહ્યો રહ્યો છે. આ દરમિયાન ઇન્ડિગો દ્વારા ૧૨ લાખ સસ્તી ટિકિટની મેગા ઓફર આપવામાં આવી રહી છે. અને આ મેગા ઓફરની શરૂઆત મંગળવારથી થઈ ચુકી છે.
૧૦ જુલાઈથી ૧૩ જુલાઈ સુધી ચાલનારી આ મેગા ઓફરમાં ૧૨૧૨ રૂપિયાના સસ્તા દરથી યાત્રીઓને ટિકિટ આપવમાં આવશે. આ ઉપરાંત અન્ય ટિકિટો પર પણ ૨૫ ટકા સુધીની છૂટ આપવામાં આવી રહી છે.
આ ઓફરની મુખ્ય ખાસયિત એ છે કે, કંપની દ્વારા ડોમેસ્ટિકની સાથે સાથે આંતરરાષ્ટ્રીય એમ તમામ નેટવર્ક્સ પર ડિસ્કાઉન્ટ આપવામાં આવી રહ્યું છે.
અત્રે ઉલ્લેખનીય છે કે, ઇન્ડિગો કંપની દ્વારા આ સેલ 6E નેટવર્ક હેઠળ આપવામાં આવી રહી છે જેમાં આંતરરાષ્ટ્રીય રૂટનો પણ સમાવેશ થાય છે.
ઇન્ડિગોની મેગા ઓફરમાં યાત્રીઓ ૧૨ લાખ સીટો પર ૫૭ શહેરોમાં જઈ શકે છે તેમજ આ દરમિયાન ખરીદવામાં આવેલી ટિકિટ પર યાત્રીઓ આગામી ૨૫ જુલાઈ ૨૦૧૮થી ૩૦ માર્ચ ૨૦૧૯ સુધી યાત્રા કરી શકે છે.
આ ઉપરાંત, સ્ટેટ બેંક ઓફ ઇન્ડિયાના ક્રેડિટ કાર્ડથી ઓછામાં ઓછા ૩૦૦૦ રૂપિયા સુધીના ટિકિટ ખરીદવા પર લોકોને ૫ ટકા સુધીનો કેશબેકનો ફાયદો મળી શકે છે.
ઇન્ડિગોના ચીફ સત્રેતજી ઓફિસર વિલિયમ બુલ્ટરે કહ્યું, “ઇન્ડિગો ૪ ઓગસ્ટ, ૨૦૧૮ના રોજ પોતાના ૧૨ વર્ષ પૂર્ણ કરવા જઈ રહી છે, ત્યારે આ પ્રસંગે અમે ૫૭ શહેરો માટે દેશની સૌથી મોટી ઓફર લઈને આવ્યા છે. જેના દ્વારા અમે પોતાના ગ્રાહકોનો ધન્યવાદ કહેવા માંગીએ છીએ. અમારા ગ્રાહકોએ જ અમને આ લક્ષ્ય સુધી પહોચાડ્યા છે”.
