ભારતના સ્ટાર એથ્લેટ નીરજ ચોપરા વર્લ્ડ ચેમ્પિયનશિપમાં ઈતિહાસ રચવાની ખૂબ નજીક છે. તેણે શુક્રવારે ભાલા ફેંકની અંતિમ સ્પર્ધામાં સ્થાન મેળવ્યું હતું. નીરજને ફાઇનલમાં પહોંચવા માટે બહુ મહેનત કરવી પડી ન હતી. તેણે તેના પ્રથમ થ્રો સાથે ફાઈનલ માટે ક્વોલિફાય કર્યું હતું. નીરજ આ વર્લ્ડ ચેમ્પિયનશિપમાં દેશ માટે ગોલ્ડ મેડલની સૌથી મોટી આશા છે. કોમનવેલ્થ ગેમ્સ, એશિયન ગેમ્સ અને ઓલિમ્પિક ગેમ્સમાં ગોલ્ડ જીતનાર નીરજ પાસે હવે રવિવારે વર્લ્ડ ચેમ્પિયનશિપમાં ભારતની 19 વર્ષની રાહનો અંત લાવવાનો મોકો છે.
This is Neeraj Chopra’s Era and we are just living in it
Took only 1 throw to qualify for the final.
A massive 88.39🔥 to breach the automatic Q mark of 83.5m👏#WCHOregon22 #javelinthrow📽️ @WorldAthletics @afiindia pic.twitter.com/lAhtryCNPN#NeerajChopra
— Aayansh and 100k others (@Aayanshkashyp) July 22, 2022
ફાઇનલમાં જવા માટે ક્વોલિફાઇંગ માર્ક 83.50 મીટર રાખવામાં આવ્યો હતો.નીરજ ચોપરાએ પહેલા જ થ્રોમાં ફાઇનલમાં પોતાનું સ્થાન બનાવી લીધું હતું. તેમના પહેલા જ પ્રયાસમાં તેમણે 88.39 મીટરનું અંતર સુધી ભાલો ફેંક્યો હતો અને ફાઈનલની ટિકિટ મેળવી. આ તેમનો વર્ષનો ત્રીજો સર્વશ્રેષ્ઠ થ્રો છે. ચોપરાએ, 24, 30 જૂનના રોજ સ્ટોકહોમ ડાયમંડ લીગમાં સિઝનનો ત્રીજો શ્રેષ્ઠ પ્રયાસ 89.94m કર્યા બાદ વર્લ્ડ ચેમ્પિયનશિપમાં મેડલના દાવેદારોમાંનો એક છે. લોંગ જમ્પ પ્લેયર અંજુ બોબી જ્યોર્જ પેરિસમાં 2003માં વર્લ્ડ ચેમ્પિયનશિપમાં બ્રોન્ઝ મેડલ સાથે મેડલ જીતનારી પ્રથમ ભારતીય બની હતી.
નીરજ ચોપરાના જૂથમાં રહેલા ટોક્યો ઓલિમ્પિક સિલ્વર મેડલ વિજેતા જેકબ વાડલેકે પણ પોતાના થ્રોથી ફાઇનલમાં પ્રવેશ કર્યો હતો. તેમણે 85.23 મીટરનું અંતર ફેંક્યું, આ સમયે લંડન ઓલિમ્પિક ચેમ્પિયન કેશોર્ન વોલકોટ સંઘર્ષ કરતો દેખાયો. તેમનો સર્વશ્રેષ્ઠ થ્રો 76.63 હતો અને તે તેના જૂથમાં સાતમા સ્થાને રહ્યો હતો. જો નીરજ ચોપરા આ ચેમ્પિયનશીપમાં સુવર્ણ જીતે છે, તો તે 2008-09માં નોર્વેના એન્ડ્રેસ થોર્કિલ્ડસન પછી વિશ્વ ખિતાબ સાથે ઓલિમ્પિકમાં સફળતા મેળવનાર પ્રથમ ભાલા ફેંકનાર બની જશે. વર્લ્ડ ચેમ્પિયનશિપ બાદ નીરજને કોમનવેલ્થ ગેમ્સમાં પણ ભાગ લેવાનો છે.
