બ્રિટનમાં ભારતીય મૂળના પોલીસ અધિકારીને ટૂંક સમયમાં લંડનના પોલીસ કમિશનરનું પદ મળી શકે છે. બ્રિટિશ મીડિયાના અહેવાલો અનુસાર, લંડન પોલીસમાં એશિયન મૂળના સૌથી વરિષ્ઠ અધિકારી અનિલ કાંતિ નીલ બાસુ લંડન મેટ્રોપોલિટન પોલીસ કમિશનર પદની રેસમાં સૌથી આગળ છે. એવું માનવામાં આવે છે કે બસુને ટૂંક સમયમાં લંડનના પૂર્વ પોલીસ કમિશનર ક્રેસિડા ડિકના સ્થાને આ પદ આપવામાં આવી શકે છે.
ક્રેસિડા બ્રિટનના સૌથી મોટા પોલીસ દળનું નેતૃત્વ કરનાર પ્રથમ મહિલા હતી. જો કે, લંડન પોલીસ બળજબરી, દુષ્કર્મ અને જાતિવાદના આરોપો સામે આવ્યા બાદ તેમણે તેમના પદ પરથી રાજીનામું આપ્યું હતું. ત્યારથી લંડન પોલીસ કમિશનરનું પદ ખાલી છે. હવે 53 વર્ષીય નીલ બસુ આ પદની રેસમાં સૌથી આગળ માનવામાં આવે છે.બસુ હાલમાં લંડન મેટ્રોપોલિટન પોલીસમાં આસિસ્ટન્ટ કમિશનર (ઓપરેશન સ્પેશિયાલિસ્ટ) તરીકે પોસ્ટેડ છે. તેમના પિતા, એક સર્જન, 1960ના દાયકામાં લંડનમાં સ્થાયી થયા હતા. અહીં જ તેણે વેલ્સથી આવતી એક નર્સ સાથે લગ્ન કર્યા. અનિલનો જન્મ 1968માં યુકેમાં થયો હતો.
નીલે નોટિંગહામ યુનિવર્સિટીમાંથી ગ્રેજ્યુએશન કર્યું છે. તેઓ 1992માં પોલીસ ફોર્સમાં જોડાયા હતા અને ટૂંક સમયમાં જ તેમને આતંકવાદ વિરોધી અને ઓપરેશન્સ સ્પેશિયાલિસ્ટ ટીમના વડા બનાવવામાં આવ્યા હતા. બાદમાં તેઓ યુકેની પોલીસ કોલેજમાં ડાયરેક્ટરના હોદ્દા પર રહ્યા. એવું કહેવાય છે કે બે વર્ષ પહેલાં લંડનના બ્રિજ પર છરાબાજીની ઘટનામાં બસુએ પોલીસ ટીમનું નેતૃત્વ કર્યું હતું અને આતંકવાદી ઉસ્માન ખાનની ધરપકડ કરી હતી. આ ઘટનામાં આતંકી માર્યો ગયો. અગાઉ બાસુએ બાળપણમાં બ્રિટનમાં જાતિવાદ વિશે ઘણી વખત વાત કરી છે.
