દેશના ઉત્તરભાગમાં ગરમીથી નહી રાહત, આ રાજ્યોમાં ચોમાસું આપશે દસ્તક હવામાન વિભાગે કરી આગાહી

ભારતીય હવામાન/ દેશના ઉત્તરભાગમાં ગરમીથી નહી રાહત, આ રાજ્યોમાં ચોમાસું આપશે દસ્તક હવામાન વિભાગે કરી આગાહી

ભારતીય હવામાન વિભાગ (IMD) અનુસાર, ઉત્તર પ્રદેશમાં 7 જૂનથી 10 જૂન સુધી ફરી એકવાર તીવ્ર ગરમી સાથે હીટ વેવની શક્યતા છે.

ઉત્તર ભારતના તમામ રાજ્યો ગરમીથી ત્રસ્ત છે. હળવા વરસાદને કારણે હવામાનમાં કોઈ ખાસ ફેરફાર થયો નથી. ભારતીય હવામાન વિભાગ (IMD) અનુસાર, ઉત્તર પ્રદેશમાં 7 જૂનથી 10 જૂન સુધી ફરી એકવાર તીવ્ર ગરમી સાથે હીટ વેવની શક્યતા છે. આ વખતે યુપીમાં ચોમાસું થોડું વહેલું આવે તેવી શક્યતા છે. સામાન્ય રીતે, પૂર્વી ઉત્તર પ્રદેશમાં ચોમાસાના આગમનનો સમય 15 થી 18 જૂનની વચ્ચે હોય છે, છેલ્લા 24 કલાકમાં હવામાનની વાત કરીએ તો, પૂર્વ ઉત્તર પ્રદેશમાં વિવિધ સ્થળોએ અને પશ્ચિમ ઉત્તર પ્રદેશમાં કેટલાક સ્થળોએ હળવાથી મધ્યમ વરસાદ થયો છે. કેટલાક સ્થળોએ ખૂબ જ હળવો વરસાદ અને કેટલાક સ્થળો પર ગાજવીજ સાથે વરસાદ પડી શકે છે.

દેશના મોટાભાગના ભાગોમાં ચોમાસાની રાહ જોતા હવામાન સંતાકૂકડી રમતું જોવા મળશે. એક તરફ આગામી 3-4 દિવસમાં મહારાષ્ટ્ર અને દક્ષિણ છત્તીસગઢ સહિત અનેક ભાગોમાં ચોમાસું વધવાની સંભાવના વ્યક્ત કરવામાં આવી રહી છે. તે જ સમયે, ઉત્તર પ્રદેશ અને મધ્યપ્રદેશના કેટલાક ભાગો સહિત ઘણા વિસ્તારોમાં હીટ વેવની સ્થિતિ વિકસી રહી હોવાનું જણાય છે.

હવામાન વિભાગે કરી આગાહી

હવામાન વિભાગ એટલે કે IMD એ આગાહી કરી છે કે કોંકણ, ગોવા, મધ્ય મહારાષ્ટ્ર, મરાઠવાડા, સૌરાષ્ટ્ર, કચ્છ, દરિયાકાંઠાના આંધ્રપ્રદેશ, યાનમ, રાયલસીમામાં આગામી 5 દિવસ સુધી હળવાથી મધ્યમ વરસાદની સંભાવના છે. તે જ સમયે, તામિલનાડુ, પુડુચેરી, કરાઇકલ અને માહેમાં 8 જૂન સુધી વરસાદ પડી શકે છે. બિહાર, ઝારખંડ, ગંગાના પશ્ચિમ બંગાળમાં આગામી 2-3 દિવસમાં વરસાદની સંભાવના છે. આગામી 4-5 દિવસ દરમિયાન મધ્યપ્રદેશ, ઓડિશા, વિદર્ભ, છત્તીસગઢમાં વરસાદની સંભાવના છે. પશ્ચિમ મધ્યપ્રદેશમાં 8 જૂન સુધી કરા પડી શકે છે. શુક્રવારે પંજાબ, હરિયાણા, ચંદીગઢ, દિલ્હી, ઉત્તર પ્રદેશ અને રાજસ્થાનમાં હળવો વરસાદ પડી શકે છે અને ધૂળની આંધીની પણ શક્યતા છે. 7 જૂને પશ્ચિમ રાજસ્થાનમાં કરા પડી શકે છે.

હવામાન વિભાગના જણાવ્યા અનુસાર, મધ્ય અરબી સમુદ્રના કેટલાક વધુ ભાગો, કર્ણાટક અને તટીય આંધ્રપ્રદેશના બાકીના ભાગો, મહારાષ્ટ્રના કેટલાક વધુ ભાગોમાં ચોામાસું આગળ વધવા માટે પરિસ્થિતિઓ અનુકૂળ છે. IMD અનુસાર, આગામી 5 દિવસ દરમિયાન ભારતના પૂર્વ ભાગમાં ગરમીનું મોજું પ્રવર્તી શકે છે. તેમજ ઉત્તર પ્રદેશ અને ઉત્તર મધ્યપ્રદેશમાં પણ આવુ વાતાવરણ રહેવાની શક્યતા છે. અહીં, 8 જૂનથી મહારાષ્ટ્ર અને તટીય કર્ણાટકમાં ભારેથી અતિ ભારે વરસાદ શરૂ થઈ શકે છે.