ભારતની મુલાકાતે આવેલા ચીનના વિદેશ મંત્રી વાંગ યીએ શુક્રવારે રાષ્ટ્રીય સુરક્ષા સલાહકાર (NSA) અજીત ડોભાલ સાથે મુલાકાત કરી હતી. જૂન 2020માં ગાલવાન ખીણની હિંસક ઘટના બાદ ચીનના વરિષ્ઠ નેતાની આ પ્રથમ મુલાકાત છે. ગલવાન ઘાટીની ઘટના બાદ બંને દેશો વચ્ચેના સંબંધો ખૂબ જ તંગ બની ગયા હતા. અહીં થયેલી હિંસક અથડામણમાં બંને દેશોને નુકસાન થયું હતું. વાંગ તેમના ભારતીય સમકક્ષ એસ જયશંકરને પણ મળવાના છે. વાંગ આજે ભારતથી નેપાળ જવા રવાના થશે.
ખાસ સમયે થઈ છે ચીનના વિદેશ મંત્રીની ભારત મુલાકાત
નવી દિલ્હી-બેઇજિંગ સંબંધો પર ભારતે ઘણી વખત કહ્યું છે કે જો સરહદ પર ગતિરોધ અને તણાવ ચાલુ રહેશે તો બંને દેશો વચ્ચેના સંબંધો પહેલા જેવા સામાન્ય નહીં થઈ શકે. ખાસ વાત એ છે કે ચીનના વિદેશ મંત્રીની આ ભારત મુલાકાત એવા સમયે થઈ છે જ્યારે રશિયા અને યુક્રેન વચ્ચે યુદ્ધ ચાલી રહ્યું છે. આ યુદ્ધ પછી, વૈશ્વિક સ્તરે ભૌગોલિક સમીકરણો બદલાઈ રહ્યા હોય તેવું લાગે છે. ચીને રશિયાની કાર્યવાહીનું સમર્થન કર્યું છે, જ્યારે ભારતે તેની ભૂમિકા તટસ્થ રાખી છે. ભારતનું કહેવું છે કે યુક્રેનની સમસ્યાનો ઉકેલ વાતચીત અને કૂટનીતિથી થવો જોઈએ.
કાબુલથી દિલ્હી પહોંચ્યા
વાંગ યી ગુરુવારે અચાનક કાબુલ પહોંચ્યા. તે અફઘાનિસ્તાનના તાલિબાન શાસકોને મળવા કાબુલ આવ્યા હતા. જો કે, એક દિવસ પહેલા, આંતરરાષ્ટ્રીય સમુદાયે છઠ્ઠા ધોરણથી ઉપરની છોકરીઓ માટે શાળાઓ ખોલવાના વચનને તોડવા બદલ તાલિબાન શાસકો સામે નારાજગી વ્યક્ત કરી હતી. બખ્તર સમાચાર એજન્સીએ જાહેરાત કરી કે વાંગ યી વિવિધ મુદ્દાઓ પર ચર્ચા કરવા તાલિબાન નેતાઓ સાથે મુલાકાત કરશે. તેઓ રાજકીય સંબંધો, આર્થિક બાબતો અને પરસ્પર સહયોગના મુદ્દાઓ પર ચર્ચા કરશે.
આ પણ વાંચો :ઉત્તરાખંડની પાંચમી વિધાનસભાનું પહેલું સત્ર 29 માર્ચથી શરૂ થશે, આ વખતે હશે ખાસ
આ પણ વાંચો :કોલકાતા હાઇકાર્ટનો મોટો નિર્ણય,બીરભૂમ હિંસાની તપાસ હવે CBI કરશે..
આ પણ વાંચો :અરવિંદ કેજરીવાલને મળ્યા ભગવંત માન, પંજાબના લોકોની અપેક્ષાઓ પર ખરા ઉતરવાની લીધી સલાહ