પાકિસ્તાનની અર્થવ્યવસ્થા લાંબા સમયથી ડગમગી રહી છે. તાજેતરનાં એક અહેવાલમાં કહેવામાં આવ્યું છે કે જો આ વર્ષનાં જાન્યુઆરીના અંત અથવા ફેબ્રુઆરીની શરૂઆતમાં ઇન્ટરનેશનલ મોનેટરી ફંડ (IMF) પ્રોગ્રામને પુનર્જીવિત કરવામાં નહીં આવે, તો ચાલુ નાણાકીય વર્ષનાંં અંત સુધીમાં પાકિસ્તાનની અર્થવ્યવસ્થા પૂરી રીતે મુશ્કેલીમાં આવી જશે.
આ પણ વાંચો – સુનાવણી / પત્નીની જાણ વગર ફોન કોલ રેકોર્ડ કરવો એ ગોપનીયતાનું ઉલ્લંઘન છે કે કેમ, સુપ્રીમ કોર્ટ કરશે નક્કી
પોલિસી રિસર્ચ ગ્રૂપ અનુસાર, પાકિસ્તાને ચાલુ નાણાકીય વર્ષના બીજા ભાગમાં બાહ્ય દેવાના કારણે 8.638 બિલિયન યુએસ ડોલરની જંગી રકમ ચૂકવવી પડશે. છેલ્લા ચાર વર્ષમાં વિદેશી દેવાની ચુકવણીમાં 399 ટકાનો વધારો થયો છે. 2017-18માં તે રૂ. 286.6 અબજ હતું અને હવે રૂ. 1,427.5 અબજ થવાનો અંદાજ છે. પાકિસ્તાનની ચાલુ ખાતાની ખાધ (CAD) અને વિદેશી મુદ્રા ભંડારમાં ઝડપથી ઘટાડો થઈ રહ્યો છે. તેમ છતાં તેણે પ્રથમ અર્ધવાર્ષિક (જુલાઈ-ડિસેમ્બર)માં સાઉદી અરેબિયા પાસેથી US$3 બિલિયન, IMF પાસેથી US$2 બિલિયન અને આંતરરાષ્ટ્રીય યુરોબોન્ડ્સ દ્વારા US$1 બિલિયનથી વધુની લોન લીધી છે. સ્ટેટ બેંક ઑફ પાકિસ્તાન (SBP) પાસે 31 ડિસેમ્બર 2021 સુધીમાં માત્ર USD 17.6 બિલિયનનું વિદેશી વિનિમય અનામત હતું.
આ પણ વાંચો – કોરોના કેસમાં વધારો / મહારાષ્ટ્રમાં 43211 નવા કેસ, દિલ્હીમાં ચેપનો દર 30 ટકાને પાર, જાણો દેશ અને દુનિયામાં કોરોનાની સ્થિતિ
જુલાઈ 2021માં SBP પાસે વિદેશી હૂંડિયામણની અનામત USD 17.8 બિલિયન હતી. પોલિસી રિસર્ચ ગ્રૂપના જણાવ્યા અનુસાર, આશરે USD 6 બિલિયનનો પ્રવાહ હોવા છતાં ચાલુ નાણાકીય વર્ષના પ્રથમ છ મહિનામાં વિદેશી મુદ્રા ભંડારનું નિર્માણ થઈ શક્યું નથી. પાકિસ્તાન હાલમાં નાણાકીય પડકારોથી ઝઝૂમી રહ્યું છે, કારણ કે દેશની વેપાર ખાધ ઊંચા સ્તરે વધી રહી છે. ફુગાવો વધી રહ્યો છે અને સરકારે IMFની કેટલીક માંગણીઓ પૂરી કરવા માટે ટેક્સ વધારવા માટે મિનિ બજેટ લાવવું પડ્યું.