લોકસભામાં સુરક્ષામાં ખામીને લઈને વિપક્ષી સાંસદોનો સતત હોબાળો થઈ રહ્યો છે. ગૃહની કાર્યવાહીમાં વિક્ષેપ અને ખુરશીની તિરસ્કાર વિરોધી પક્ષોના સાંસદોને મોંઘી પડી છે. કોંગ્રેસ, ડીએમકે સહિત વિવિધ પક્ષોના કુલ 14 સાંસદોને સમગ્ર શિયાળુ સત્ર માટે સસ્પેન્ડ કરવામાં આવ્યા છે. મતલબ કે હવે આ સાંસદો લોકસભાની કાર્યવાહીમાં ભાગ લઈ શકશે નહીં.
આ સાંસદોને સસ્પેન્ડ કરવામાં આવ્યા
અગાઉ, કોંગ્રેસના પાંચ સાંસદો – ટી એન પ્રતાપન, હિબી ઈડેન, જોતિમણી, રામ્યા હરિદાસ અને ડીન કુરિયાકોસને ગુરુવારે હંગામા વચ્ચે સસ્પેન્ડ કરવામાં આવ્યા હતા. જો કે, કોગ્રેસના બેની બેહનન, વી.કે. શ્રીકંદન, મોહમ્મદ જાવેદ અને મણિકમ ટાગોરને પણ સસ્પેન્ડ કર્યા બાદ હોબાળો ચાલુ રહ્યો હતો. સીપીઆઈએમના પીઆર નટરાજન અને એસ વેંકટેશન સામે પણ કાર્યવાહી કરવામાં આવી છે. આ સિવાય ડીએમકેના કનિમોઝી કરુણાનિધિ અને એસઆર પાર્થિબન અને સાંસદ કે સુબ્રમણ્યમને પણ સમગ્ર શિયાળુ સત્ર માટે સસ્પેન્ડ કરવામાં આવ્યા છે. વિપક્ષી સભ્યોના હોબાળા વચ્ચે સંસદીય બાબતોના પ્રધાન પ્રહલાદ જોશીએ સાંસદોને સસ્પેન્ડ કરવાનો પ્રસ્તાવ મૂક્યો હતો, જેને સ્વીકારી લેવામાં આવ્યો હતો.
રાજ્યસભામાં પણ કાર્યવાહી
તૃણમૂલ કોંગ્રેસના રાજ્યસભા સાંસદ ડેરેક ઓ ઓ’બ્રાયને સમગ્ર શિયાળુ સત્ર માટે રાજ્યસભામાંથી સસ્પેન્ડ કરવામાં આવ્યા છે. તેમની સામે નિયમ 256 હેઠળ આ કાર્યવાહી કરવામાં આવી છે. રાજ્યસભાના અધ્યક્ષ અનુસાર, ડેરેક ઓ’બ્રાયન ગૃહમાં ઘૂસી ગયા, સૂત્રોચ્ચાર કર્યા અને ગૃહની કાર્યવાહી ખોરવી નાખી. અધ્યક્ષ જગદીપ ધનખરે કહ્યું, “તમે શું કરી રહ્યા છો? મિસ્ટર બ્રાયન, તમે વિશેષાધિકારનો ભંગ કર્યો છે. શ્રી ડેરેક ઓ’બ્રાયનને તાત્કાલિક ગૃહ છોડી દેવું જોઈએ.”
આ પણ વાંચો:જામનગર અને દેવભૂમિ દ્વારકા જિલ્લા સહિત સમગ્ર હાલાર પંથકમાં રખડતા શ્વાનનો આતંક
આ પણ વાંચો:સુરત મહાનગર પાલિકાની ઘોર બેદરકારી, જાણો શું છે મામલો
આ પણ વાંચો:સોશિયલ મીડિયા થકી બાઈક ચોરનું હદય પરિવર્તન, જાણો બાઈક માલિકે શું કર્યું…
આ પણ વાંચો:સુરતમાં સુરાણા અને કંસલ જૂથના લગભગ 260 કરોડથી વધુના ડોક્યુમેન્ટ જપ્ત
