Ajab Gajab News: તાજેતરમાં સોશિયલ મીડિયા પર એક તસવીર વાયરલ થઈ રહી છે. આ તસવીર આકાશમાં ચમકતા ટપકાંની હતી. મોડી રાત્રે આકાશમાં ટ્રેન ઉડી રહી હોય એવું લાગતું હતું. આ તસવીર મદુરાઈના ઉસીલામપટ્ટીના લોકોએ તેમના મોબાઈલ ફોનથી લીધી હતી. અહીં આકાશમાં ઉડતી ટ્રેન જેવી વસ્તુ જોઈને લોકો આશ્ચર્યચકિત થઈ ગયા. ઘણા લોકોએ ઉડતી ટ્રેનનો વીડિયો પણ બનાવ્યો હતો. જે વીડિયો સામે આવ્યો છે તેમાં લોકો તેની સુંદરતાના વખાણ કરી રહ્યા છે અને સાથે જ તેને એલિયન્સ સાથે સંબંધ હોવાનું પણ કહી રહ્યા છે. પરંતુ થોડા સમય પછી ખબર પડી કે આ એલિયન પ્લેન કે જાદુ નથી પરંતુ કંઈક બીજું છે.
આ ઉડતી ટ્રેનનો ફોટો અને વીડિયો વાયરલ થયા બાદ ખબર પડી કે તે વાસ્તવમાં વિશ્વના સૌથી ધનિક વ્યક્તિ એલોન મસ્કની કંપની સ્પેસ એક્સનું સ્ટારલિંક સેટેલાઇટ ક્લસ્ટર હતું. SpaceX વિશ્વની સૌથી મોટી ખાનગી સ્પેસ કંપની છે. તમને જણાવી દઈએ કે સપ્ટેમ્બરમાં ઉત્તર પ્રદેશમાં આવો જ નજારો જોવા મળ્યો હતો જ્યારે આ ક્લસ્ટર ભારતની ઉપરથી પસાર થયું હતું.
સ્પેસએક્સનું સ્ટારલિંક ક્લસ્ટર શું છે?
સ્ટારલિંક એ સેટેલાઈટ ઈન્ટરનેટ સેવા છે જે સેટેલાઈટ દ્વારા સીધા જ લોકોને ઈન્ટરનેટ સેવા પૂરી પાડે છે. આ સેવા અમેરિકાની સ્પેસએક્સ કંપની દ્વારા શરૂ કરવામાં આવી છે. સ્ટારલિંકનું નેટવર્ક સેટ કરવા માટે કંપનીએ વર્ષ 2018 થી સ્ટારલિંક એક સેટેલાઇટ લોન્ચ કરવાનું શરૂ કર્યું. એલોન મસ્ક તેમના સ્ટારલિંક ઈન્ટરનેટ ઉપગ્રહને કારણે સમગ્ર વિશ્વને શ્રેષ્ઠ અને ઝડપી ઈન્ટરનેટ એક્સેસ આપવા માંગે છે. હાલમાં 40 દેશો આ સેટેલાઇટ સેવાનો લાભ લઈ રહ્યા છે. રશિયા અને યુક્રેન વચ્ચે ચાલી રહેલા યુદ્ધ દરમિયાન પણ એલોન મસ્કે સ્ટારલિંક સેટેલાઇટ દ્વારા યુક્રેનને ઈન્ટરનેટની સુવિધા પૂરી પાડી હતી.
આ પણ વાંચો: Twitter/ એલોન મસ્કના માલિક બનતાની સાથે જ નવું ફીચર થયુ રિલીઝ