તેલ કંપનીઓએ આજે એટલે કે 22 ઓગસ્ટ માટે પેટ્રોલ અને ડીઝલના દર જાહેર કર્યા છે. ઇન્ડિયન ઓઇલ (IOCL) ના મતે પેટ્રોલ-ડીઝલના ભાવમાં આંશિક ઘટાડો થયો છે. લેટેસ્ટ રેટ અપડેટ મુજબ પેટ્રોલ 20 પૈસા પ્રતિ લીટર સસ્તું થયું છે. સાથે જ ડીઝલના ભાવમાં પણ 20 પૈસા પ્રતિ લીટરનો ઘટાડો થયો છે.
આજે રાજધાની દિલ્હીમાં પેટ્રોલ 101.64 રૂપિયા પ્રતિ લિટર અને ડીઝલ 89.07 રૂપિયા પ્રતિ લિટર છે. ઉધોગિક રાજધાની મુંબઈમાં ડીઝલ 96.64 રૂપિયા પ્રતિ લિટર અને પેટ્રોલ 107.66 રૂપિયા પ્રતિ લિટર છે. ખરેખર, પેટ્રોલના ભાવ છેલ્લા 35 દિવસથી સ્થિર હતા, અને ડીઝલના ભાવમાં છેલ્લા ત્રણ દિવસમાં ઘટાડો જોવા મળ્યો હતો. અને આ દરમિયાન હવે પેટ્રોલના ભાવમાં 20 પૈસા પ્રતિ લીટરનો ઘટાડો કરવામાં આવ્યો છે. ઉલ્લેખનીય છે કે પેટ્રોલના ભાવમાં છેલ્લો વધારો 17 જુલાઈ, 2021 ના રોજ કરવામાં આવ્યો હતો.
પેટ્રોલની કિંમતમાં સેન્ટ્રલ એક્સાઇઝ અને સ્ટેટ ટેક્સ 60 ટકા છે, જ્યારે ડીઝલમાં તે 54 ટકા છે. પેટ્રોલ પર સેન્ટ્રલ એક્સાઇઝ ડ્યુટી 32.90 રૂપિયા પ્રતિ લીટર છે, જ્યારે ડીઝલ પર 31.80 રૂપિયા પ્રતિ લીટર છે. પેટ્રોલ અને ડીઝલની કિંમતો સામાન્ય રીતે દરરોજ બદલાય છે, બેન્ચમાર્ક આંતરરાષ્ટ્રીય ક્રૂડના ભાવ અને વિદેશી વિનિમય દરના આધારે