એક દિવસ સ્થિર રહ્યા બાદ, એટલે કે સોમવારે (12 જુલાઈ, 2021), એક તરફ, પેટ્રોલનાં ભાવમાં વધારો જોવા મળી રહ્યો છે. બીજી તરફ ડીઝલનાં ભાવમાં ઘટાડો થયો છે. ઓઇલ માર્કેટિંગ કંપનીઓએ આજે રાષ્ટ્રીય રાજધાની દિલ્હીમાં પેટ્રોલનાં ભાવમાં પ્રતિ લિટર 28 પૈસા વધારો કર્યો છે, જ્યારે ડીઝલ 16 પૈસા પ્રતિ લીટર સસ્તુ કર્યું છે.
વિનાશકારી વીજળી / રાજસ્થાનમાં વીજળીનો કહેર, 7 બાળકો સહિત 18 લોકોનાં મોત
દેશનાં ચાર મહાનગરોમાં ભાવ
પેટ્રોલ મુંબઇ, કોલકાતા અને ચેન્નઇમાં અનુક્રમે 27 પૈસા, 34 પૈસા અને 25 પૈસા પ્રતિ લીટર મોંઘુ થઈ ગયું છે. વળી, ડીઝલનાં ભાવમાં મુંબઇ, કોલકાતા અને ચેન્નાઇમાં અનુક્રમે 17 પૈસા, 16 પૈસા અને 15 પૈસા પ્રતિ લીટરનો ઘટાડો કરવામાં આવ્યો છે. રાજસ્થાનનાં શ્રી ગંગાનગર પછી મધ્યપ્રદેશનાં અનુપુરમાં પણ પેટ્રોલ 112 રૂપિયાને પાર કરી ગયું છે. અનુપુરમાં પેટ્રોલ 112.11 રૂપિયા, રેવામાં 111.75 રૂપિયા અને જયપુરમાં રૂ. 108 માં વેચાઇ રહ્યું છે. ઇન્ડિયન ઓઇલ વેબસાઇટ અનુસાર સોમવારે (12 જુલાઈ, 2021) પેટ્રોલ દિલ્હી, મુંબઇ, કોલકાતા અને ચેન્નાઈમાં અનુક્રમે રૂ. 101.19, 107.20, 101.35 અને 101.92 રૂપિયા પ્રતિ લિટર પર ઉપલબ્ધ છે. બીજી તરફ, ચાર મહાનગરોમાં ગ્રાહકોએ ડીઝલ માટે અનુક્રમે રૂ. 89.72, 97.29, 92.81 અને 94.24 રૂપિયા લીટર ચૂકવવા પડશે.
ડીઝલનાં ભાવમાં ઘટાડો
પાંચ રાજ્યોમાં વિધાનસભાની ચૂંટણી માટે, ચૂંટણી પંચે 26 મી ફેબ્રુઆરીએ જાહેરનામું બહાર પાડ્યા પછી બીજા દિવસે ડીઝલ પર પ્રતિ લિટર 17 પૈસાનો વધારો કર્યો હતો. ત્યારબાદ બે મહિનાથી વધુ સમય સુધી તેની કિંમતમાં કોઈ વધારો થયો ન હતો. જો કે, 15 એપ્રિલનાં રોજ ડીઝલનાં ભાવમાં 14 પૈસાનો નજીવો ઘટાડો થયો હતો. આજે લગભગ ત્રણ મહિના બાદ તેના ભાવમાં લિટર દીઠ 16 પૈસાનો ઘટાડો કરવામાં આવ્યો છે.
પર્દાફાશ / 15 ઓગસ્ટ પહેલા UPના અડધો ડઝન શહેરોને ફૂંકી મારવાનું આતંકવાદીઓનું કાવતરું : એડીજી પ્રશાંત કુમારનો ખુલાસો
આ શહેરોમાં પેટ્રોલ 100 ને પાર
અત્યાર સુધી ઘણા શહેરોમાં પેટ્રોલની કિંમત પ્રતિ લિટર 100 રૂપિયાને પાર કરી ગઈ છે. સૌથી મોંઘુ પેટ્રોલ અને ડીઝલ રાજસ્થાનનાં શ્રી ગંગાનગરમાં વેચાઇ રહ્યુ છે. રત્નાગીરી, પ્રભનીદ, ઔરંગાબાદ, જેસલમેર, ગંગાનગર, લેહ, બાંસવાડા, ઇન્દોર, જયપુર, દિલ્હી, કોલકાતા, પટના, ચેન્નાઈ, ભોપાલ, ગ્વાલિયર, ગુંટુર, કાકીનાડા, ચિકમંગલુર, શિવમોગ્ગા અને લેહનો પણ સમાવેશ થાય છે. આ ઉપરાંત મેટ્રો મુંબઇ, હૈદરાબાદ અને બેંગલુરુમાં પેટ્રોલ પહેલાથી જ 100 રૂપિયા પ્રતિ લિટરનાં આંકને પાર કરી ગયું છે.
પેટ્રોલ અને ડીઝલની કિંમતો દરરોજ સવારે અપડેટ થાય છે
તમામ ઓઇલ માર્કેટિંગ કંપનીઓ આઇઓસી, બીપીસીએલ અને એચપીસીએલનાં પેટ્રોલ અને ડીઝલની કિંમતો દરરોજ વધઘટ કરતી રહે છે. પેટ્રોલ અને ડીઝલનાં નવા ભાવ દરરોજ સવારે 6 વાગ્યે અપડેટ કરવામાં આવે છે. નવા દર સવારે 6 વાગ્યાથી લાગુ થાય છે. જેમાં પેટ્રોલ અને ડીઝલનાં ભાવ એકસાઇઝ ડ્યુટી, ડીલર કમિશન અને અન્ય વસ્તુઓ ઉમેરીને લગભગ બમણો થાય છે.
