એક વ્યક્તિએ પિઝા (ડોમિનોઝ પિઝા) ઓનલાઈન ઓર્ડર કર્યો. પરંતુ જ્યારે તેણે તેને ખોલ્યો તો તેને આશ્ચર્ય થયું. વ્યક્તિનો દાવો છે કે પિઝામાં કાચના ટુકડા હતા. તેણે આ અંગે કંપનીને ફરિયાદ કરી, જેના પર ડિલિવરી કંપની Zomatoનો જવાબ આવ્યો.
વાસ્તવમાં, મુંબઈના રહેવાસી અરુણ કોલ્લુરીએ ટ્વિટર પર પિઝાની તસવીર પોસ્ટ કરી હતી. દાવો કર્યો કે તેણે આ ડોમિનોઝ પિઝાને Zomato પરથી ઓનલાઈન ઓર્ડર કર્યો હતો. પરંતુ ખોલતા જ તેમાંથી કાચના કેટલાક ટુકડા નીકળ્યા. જેના માટે અરુણે કંપની તેમજ મુંબઈ પોલીસને ટેગ કરીને તેની ફરિયાદ કરી હતી.
ટ્વિટના જવાબમાં મુંબઈ પોલીસે ડોમિનોઝના કસ્ટમર કેર સાથે વાત કરવાની સલાહ આપી હતી. તે જ સમયે, પિઝા કંપનીએ તેના નિવેદનમાં કહ્યું કે સોશિયલ મીડિયા દ્વારા કેસની હકીકત જાણ્યા પછી, અમે ગ્રાહકનો સંપર્ક કર્યો છે. આ સાથે મામલાની તપાસના આદેશ આપવામાં આવ્યા છે. ગ્રાહક પાસેથી સેમ્પલ મેળવ્યા બાદ અમે આ મામલે તપાસ કરીશું અને તે મુજબ કાર્યવાહી કરીશું.
આ સાથે કંપનીએ એમ પણ કહ્યું કે અમારી ક્વોલિટી ટીમે પિઝાના આઉટલેટની તપાસ કરી પરંતુ કોઈ ખામી જોવા મળી નથી. બીજી તરફ ઝોમેટોએ કહ્યું- હેલો અરુણ, આવું ન થવું જોઈતું હતું. અમે આની તપાસ કરી રહ્યા છીએ. જલદી તમારો સંપર્ક કરશે.
ટ્વિટર યુઝર્સે પણ આ મામલે પ્રતિક્રિયા આપી છે. કોઈએ કહ્યું કે ભૂતકાળમાં પણ આવી ઘટનાઓ બની છે તો કોઈએ જવાબદારી નક્કી કરવાની વાત કરી. એક યુઝરે લખ્યું- ઘટનાની તપાસ થવી જોઈએ અને કોની ભૂલ છે તે જણાવવું જોઈએ.
આ પણ વાંચો:વડોદરા રેલ્વે સ્ટેશન પર પાર્સલમાંથી મળ્યો દારૂ
આ પણ વાંચો:કચ્છના હરામીનાળામાંથી BSFએ બે પાકિસ્તાની માછીમારોને પકડયા
આ પણ વાંચો:Last Film Show ના બાળ કલાકાર રાહુલ કોલીનું કેન્સરથી નિધન, 2 દિવસ પછી રિલીઝ થશે ફિલ્મ
