અયોધ્યાઃ 22 જાન્યુઆરીએ રામ મંદિરના ઉદઘાટન બાદ પ્રથમ વખત વડાપ્રધાન નરેન્દ્ર મોદી રવિવારે (04 મે)ના રોજ રામ લલ્લાના દર્શન કરવા રામ મંદિર પહોંચ્યા હતા. રામલલાની પૂજા કર્યા બાદ નરેન્દ્ર મોદીએ અયોધ્યામાં રોડ શો કર્યો હતો. પીએમ મોદીએ 14 મેના રોજ વારાણસી લોકસભા બેઠક પરથી ઉમેદવારી પત્ર ભરવાના થોડા દિવસો પહેલા ભગવાન રામના આ દર્શન કર્યા હતા.
ચૂંટણી પ્રચારના વ્યસ્ત કાર્યક્રમ વચ્ચે નરેન્દ્ર મોદી રવિવારે ઉત્તર પ્રદેશ પહોંચ્યા હતા અને વડાપ્રધાનના સ્વાગત માટે અયોધ્યાને સંપૂર્ણ રીતે સજાવવામાં આવી હતી. આ દરમિયાન પીએમ મોદીએ ગોલ્ડન કુર્તા-સફેદ પાયજામા અને ગોલ્ડન જેકેટ પહેર્યું હતું. વડાપ્રધાને ‘સાષ્ટાંગ દંડવત’માં ભગવાન રામ લલ્લાની મૂર્તિને પ્રણામ કર્યા અને પ્રાર્થના કરી. આ પછી, તેઓ બે કિલોમીટર લાંબા રોડ શો માટે નીકળ્યા, જ્યાં નરેન્દ્ર મોદીની એક ઝલક મેળવવા માટે દરેક જગ્યાએ લોકો એકઠા થયા હતા.
VIDEO | Lok Sabha Elections 2024: “I have come here today, after 10 years of my governance, to seek blessing from you. You have seen my hard work over the last decade; serving people has been my ‘dharma’. Modi is preparing the foundation for India to be strong for the next… pic.twitter.com/L4q8PzNO70
— Press Trust of India (@PTI_News) May 5, 2024
અયોધ્યામાં પીએમ મોદીનો રોડ શો
આ રોડ શો સુગ્રીવ કિલ્લાથી શરૂ થઈને લતા ચોક ખાતે થયો હતો. રોડ શો દરમિયાન વડાપ્રધાન મોદી સાથે સીએમ યોગી આદિત્યનાથ પણ હાજર રહ્યા હતા. રોડ શો દરમિયાન પીએમ મોદીના સોશિયલ મીડિયા પ્લેટફોર્મ X હેન્ડલ પરથી ટ્વિટ કરવામાં આવી હતી. જેમાં કહેવામાં આવ્યું હતું કે, “અયોધ્યાના લોકોનું હૃદય પણ ભગવાન શ્રી રામ જેટલું જ વિશાળ છે. રોડ શોને આશીર્વાદ આપવા આવેલા લોકોને શુભેચ્છાઓ!”
#WATCH | Prime Minister Narendra Modi performs ‘Dandavat Pranam’ at the Shri Ram Janmaboomi Temple in Ayodhya. https://t.co/oC6eAOibRm pic.twitter.com/gyIVYRMCzL
— ANI (@ANI) May 5, 2024
આ પછી વડાપ્રધાન મોદી ભારતીય વાયુસેનાના વિમાનમાં ઓડિશાના ભુવનેશ્વર જવા રવાના થશે. આ પહેલા પીએમ મોદીએ ઈટાવામાં જનસભાને પણ સંબોધિત કરી હતી. ઉત્તર પ્રદેશમાં લોકસભા ચૂંટણીના ત્રીજા તબક્કાનું પ્રચાર રવિવારે સાંજે 6 વાગ્યે સમાપ્ત થઈ ગયું. સંભલ, હાથરસ (SC), આગ્રા (SC), ફતેહપુર સીકરી, ફિરોઝાબાદ, મૈનપુરી, એટાહ, બદાઉન, આમલા અને બરેલીમાં 7 મેના રોજ મતદાન થવાનું છે.
આ પણ વાંચો:ભાજપ અને સપાના ઉમેદવારોને લઈને બે વકીલોએ લગાવી બે લાખની શરત…..
આ પણ વાંચો:પતિ પત્ની અને પરપુરુષ…… હનીમૂનથી સીધી પોલીસ સ્ટેશન પરિણીતા
આ પણ વાંચો:ત્રીજા તબક્કાની 10 હાઈપ્રોફાઈલ બેઠકો જેના પર સમગ્ર દેશની નજર, આ 3 મુદ્દાઓ પણ રહ્યા હાવી
આ પણ વાંચો:હેમંત કરકરેનું મોત કસાબની ગોળીથી નહોતું થયું
