વડાપ્રધાન નરેન્દ્ર મોદીએ આજે 8 માર્ચે પ્રથમ રાષ્ટ્રીય સર્જક પુરસ્કાર સમારોહમાં ભાગ લીધો હતો. આ દરમિયાન તેમણે નેશનલ ક્રિએટર્સ એવોર્ડ્સ પ્રદાન કર્યા. આ એવોર્ડ વાર્તા કહેવા, સામાજિક પરિવર્તન, પર્યાવરણીય સ્થિરતા, શિક્ષણ, ગેમિંગ, અન્ય ક્ષેત્રોમાં શ્રેષ્ઠતા અને પ્રભાવને ઓળખવાનો પ્રયાસ છે. આ પુરસ્કારમાં ભારે લોકભાગીદારી જોવા મળી છે. જણાવી દઈએ કે આ માટે 1.5 લાખથી વધુ નોમિનેશન અને લગભગ 10 લાખ વોટ પડ્યા છે. આ પુરસ્કારો 20 કેટેગરીમાં આપવામાં આવ્યા હતા.
જયા કિશોરી, મૈથલી ઠાકુર અને ગૌરવ ચૌધરીને એવોર્ડ
આ કાર્યક્રમમાં હાજરી આપવા માટે પીએમ મોદી નવી દિલ્હીના ભારત મંડપમ પહોંચ્યા હતા. આ દરમિયાન તેમણે વિવિધ ક્ષેત્રોમાં યોગદાન આપનાર લોકોને પુરસ્કારોનું વિતરણ કર્યું હતું. પ્રથમ નેશનલ ક્રિએટર્સ એવોર્ડમાં, વડાપ્રધાન નરેન્દ્ર મોદીએ ભારત મંડપમ ખાતે વાર્તાકાર જયા કિશોરીને સામાજિક પરિવર્તન માટે શ્રેષ્ઠ સર્જકનો એવોર્ડ અર્પણ કર્યો હતો. વડાપ્રધાન નરેન્દ્ર મોદીએ મૈથલી ઠાકુરને કલ્ચરલ એમ્બેસેડર ઓફ ધ યરનો એવોર્ડ આપ્યો. પીએમ મોદીએ ડ્રુ હિક્સને સર્વશ્રેષ્ઠ આંતરરાષ્ટ્રીય સર્જકનો એવોર્ડ એનાયત કર્યો. પીએમ મોદીએ ગૌરવ ચૌધરીને ટેકનિકલ કેટેગરીમાં શ્રેષ્ઠ સર્જકનો એવોર્ડ એનાયત કર્યો હતો. કામિયા જાનીને ફેવરિટ ટ્રાવેલ ક્રિએટર એવોર્ડ એનાયત કરવામાં આવ્યો હતો.
કબિતાઝ કિચન અને આરજે રૌનકને પણ એવોર્ડ મળ્યા હતા
વડાપ્રધાન નરેન્દ્ર મોદીએ પંકતિ પાંડેને મનપસંદ ગ્રીન ચેમ્પિયન એવોર્ડ અર્પણ કર્યો. PMએ રણવીર અલ્લાહબડિયાને ડિસ્ટ્રપ્ટર ઓફ ધ યરનો એવોર્ડ આપ્યો. કીર્તિકા ગોવિંદાસામીને શ્રેષ્ઠ વાર્તા લેખકનો એવોર્ડ એનાયત કરાયો હતો. મલ્હાર કલામ્બેને સ્વચ્છતા એમ્બેસેડર એવોર્ડ આપવામાં આવ્યો હતો. વડાપ્રધાન નરેન્દ્ર મોદીએ જહાનવી સિંહને હેરિટેજ ફેશન આઇકોન એવોર્ડ એનાયત કર્યો. આ સાથે શ્રદ્ધાને મોસ્ટ ક્રિએટિવ પ્રોડ્યુસર-ફીમેલ એવોર્ડ આપવામાં આવ્યો હતો. મોસ્ટ ક્રિએટિવ ક્રિએટર-મેલ એવોર્ડ આરજે રૌનક (બૌઆ)ને આપવામાં આવ્યો હતો. બેસ્ટ ક્રિએટર ઇન ફૂટ કેટેગરીમાં બેસ્ટ ક્રિએટરનો એવોર્ડ કબિતા સિંઘ (કબિતાઝ કિચન)ને આપવામાં આવ્યો હતો.
આ પણ વાંચો:ભારત સરકારે લશ્કર-એ-તોઈબાનો સભ્ય મોહમ્મદ કાસિમ ગુર્જરને આતંકવાદી જાહેર કર્યો
આ પણ વાંચો:વરુણ ગાંધીને સાઇડલાઇન કરી શકે છે ભાજપ, તો શું જેઠાણીના પગલે ચાલશે મેનકા?
આ પણ વાંચો:અમેઠીમાં રાહુલ ગાંધી અને સ્મૃતિ ઈરાની વચ્ચે મોટી લડાઈ નક્કી! કોંગ્રેસે આપ્યા મોટા સંકેતો
આ પણ વાંચો:ઘરેથી રમવા માટે નીકળેલા બાળકનું કપાયેલું મળ્યું માથું, એક મહિનાથી હતો ગુમ
આ પણ વાંચો:પૂર્વ સાંસદ ધનંજય સિંહ અભિનવ સિંઘલ અપહરણ કેસમાં દોષિત, સજા પર આવતીકાલે સુનાવણી