દેશના સૌથી સ્વચ્છ શહેરોની યાદીમાં ઈન્દોર શહેર ટોચ પર છે. ત્યારે ઇન્દોરમાં કચરામાંથી બાયો-CNGબનાવવાનો પ્લાન્ટ સ્થાપિત કરવામાં આવ્યો છે. વડાપ્રધાન નરેન્દ્રઆજે આ પ્લાન્ટનું ઉદ્ઘાટન કરવા જઈ રહ્યા છે. આ બાયો સીએનજી પ્લાન્ટ પી.પી.પી મોડેલ પર આધારિત છે.
વડાપ્રધાન નરેન્દ્ર મોદી આજે બપોરે 1 વાગ્યે ઈન્દોરમાં “ગોબર-ધન (બાયો-CNG) પ્લાન્ટનું ઉદ્ઘાટન કરશે. વીડિયો કોન્ફરન્સિંગનાં માધ્યમથી પ્લાન્ટ ખુલો મુકવામાં આવશે. આપને જણાવી દઈએ કે, વડાપ્રધાન નરેન્દ્ર મોદીએ તાજેતરમાં સ્વચ્છ ભારત મિશન અર્બન 2.0 લોન્ચ કર્યું હતું, જેમાં “કચરા મુક્ત શહેરો” બનાવવાના એકંદર વિઝન સાથે સંસાધન પુનઃપ્રાપ્તિને મહત્તમ કરવા માટે “કચરાથી સંપત્તિ” અને “સર્કુલર ઇકોનોમી”ના સર્વોચ્ચ સિદ્ધાંતો હેઠળ આ મિશન અમલમાં આવી રહ્યું છે જે બંનેનું ઉદાહરણ ઇન્દોર બાયો-સીએનજી પ્લાન્ટમાં આપવામાં આવ્યું છે.
પ્લાન્ટ પીપીપી મોડલ પર આધારિત હશે
કહેવામાં આવી રહ્યું છે કે, આ બાયો-સીએનજી પ્લાન્ટ પીપીપી મોડેલ પર આધારિત છે. એક તરફ, જ્યારે મ્યુનિસિપલ કોર્પોરેશન, ઈન્દોર આ પ્લાન્ટની સ્થાપના માટે કોઈ નાણાકીય બોજ ઉઠાવી રહ્યું નથી, તો બીજી તરફ, પ્લાન્ટ સ્થાપતી એજન્સી, IEISN નવી દિલ્હીએ વાર્ષિક રૂ. 2.5 કરોડનું પ્રીમિયમ આપ્યું છે.
આ રીતે ગેસનો ઉપયોગ થશે
આ પ્લાન્ટમાં દરરોજ 550 એમટી ભીનો કચરો (ઘરેલું કાર્બનિક કચરો) ટ્રીટમેન્ટ કરવામાં આવશે, જેમાંથી 17 હજાર 500 કિલો બાયો-સીએનજી ઉત્પન્ન થશે. ગેસ અને 100 ટન ઉચ્ચ ગુણવત્તાયુક્ત ઓર્ગેનિક ખાતરનું ઉત્પાદન કરવામાં આવશે. આ પ્લાન્ટમાંથી બાયો-સીએનજી ઉત્પાદિત થાય છે. તેમાંથી 50 ટકા ગેસ મ્યુનિસિપલ કોર્પોરેશન, ઈન્દોરને જાહેર પરિવહન બસોના ઉપયોગ માટે ઉપલબ્ધ થશે. બાકીનો 50 ટકા ગેસ વિવિધ ઉદ્યોગો અને વ્યાપારી ગ્રાહકોને વેચી શકાય છે.
