વડાપ્રધાન નરેન્દ્ર મોદીએ ફ્રાન્સમાં ચાલી રહેલા કાન્સ ફિલ્મ ફેસ્ટિવલમાં ભારતના સન્માનના દેશ તરીકે સામેલ થવા પર ખુશી વ્યક્ત કરી છે. તેમના સંદેશમાં, તેમણે કહ્યું કે, ભારત એવા સમયે કાન્સ ફિલ્મ ફેસ્ટિવલમાં ‘સન્માનિત દેશ’ તરીકે ભાગ લઈ રહ્યું છે જ્યારે દેશ ફ્રાન્સ સાથેના રાજદ્વારી સંબંધોના 75 વર્ષ પૂર્ણ કરીને આઝાદીના 75 વર્ષની ઉજવણી કરી રહ્યો છે. અને કાન્સ ફિલ્મ ફેસ્ટિવલ તેની 75મી વર્ષગાંઠ ઉજવી રહી છે.
ભારત પાસે કહેવા માટે ઘણી વાર્તાઓ છેઃ મોદી
ભારતને વિશ્વનો સૌથી મોટો ફિલ્મ નિર્માતા દેશ ગણાવતા વડાપ્રધાન મોદીએ કહ્યું કે અહીં ફિલ્મ ક્ષેત્રે વિવિધતા છે. સમૃદ્ધ વારસો અને સાંસ્કૃતિક વિવિધતા એ આપણી તાકાત છે. પીએમ મોદીના જણાવ્યા અનુસાર, “ભારત પાસે કહેવા માટે ઘણી વાર્તાઓ છે અને આપણા દેશમાં ખરેખર વિશ્વનું કન્ટેન્ટ હબ બનવાની અપાર ક્ષમતા છે.”
PMનો ફિલ્મ ક્ષેત્રમાં સરળતા પર ભાર
વડાપ્રધાન નરેન્દ્ર મોદી ફિલ્મ ક્ષેત્રે પણ વેપાર કરવાની સરળતા પર ભાર મૂકે છે. “ભારત વિશ્વભરના ફિલ્મ નિર્માતાઓને આંતરરાષ્ટ્રીય ફિલ્મ સહ-નિર્માણ સુવિધાઓથી લઈને સિંગલ વિન્ડો ક્લિયરન્સ મિકેનિઝમ સુધીની ઘણી શક્યતાઓ પ્રદાન કરે છે જે સમગ્ર દેશમાં ગમે ત્યાં શૂટિંગ કરવાની મંજૂરી આપે છે,”
પીઢ ફિલ્મ નિર્માતા સત્યજિત રેની જન્મશતાબ્દી નિમિત્તે કેન્સ દ્વારા સત્યજિત રેની ફિલ્મોના સ્ક્રિનિંગના તેમના ક્લાસિક વિભાગમાં સમાવેશ કરવા બદલ વડાપ્રધાને ખુશી વ્યક્ત કરી હતી. તે ભારતીય સિનેમાના પાસાઓનું પ્રદર્શન કરતી વખતે આંતરરાષ્ટ્રીય ભાગીદારી અને શિક્ષણને પણ પ્રોત્સાહન આપશે.
ભારત તરફથી 11 સભ્યોની ટીમ કાન્સ પહોંચી છે
કેન્દ્રીય માહિતી અને પ્રસારણ મંત્રી અનુરાગ ઠાકુરે મંગળવારે રાત્રે કાન્સના ઉત્તર-પશ્ચિમ નાઇસ ખાતે ભારતીય પેવેલિયન વિભાગનું ઉદ્ઘાટન કર્યું. અનુરાગ ઠાકુરના નેતૃત્વમાં એ. આર રહેમાન, આર માધવન, પ્રસૂન જોશી, નવાઝુદ્દીન સિદ્દીકી, પૂજા હેગડે, તમન્ના ભાટિયા, વાણી કપૂર, શેખર કપૂર, રિકી કેજ અને લોક ગાયક મામે ખાનનો સમાવેશ કરતી 11 સભ્યોની ટુકડી ભારતનું પ્રતિનિધિત્વ કરવા કાન્સ પહોંચી છે.
કાન્સમાં, આર. માધવનની ફિલ્મ ‘રોકેટ્રી’ના પ્રીમિયરમાં અસમી ભાષાની ‘બાઘજાન’, છત્તીસગઢીની ‘બૈલાડીલા’, હિન્દી ફિલ્મ ‘એક જગહ અપની’, બહુભાષી ફિલ્મ ‘ફોલોઆર’ અને કન્નડ ફિલ્મ ‘શિવમમા’ના સ્ક્રીનિંગ સાથે હશે.
આ પણ વાંચો:હળવદમાં દિવાલ ધરાશાયી થતાં 12 શ્રમિકોના મોત, અનેક દટાયા હોવાની આશંકા
આ પણ વાંચો:ભારત વિશ્વમાં રશિયન હથિયારોનો સૌથી મોટો ખરીદનાર, USA આપશે આવી ઓફર
આ પણ વાંચો:હાર્દિક પટેલના કોંગ્રેસ પર 10 સનસનાટીભર્યા આરોપો: રામ મંદિરથી લઈને કલમ 370 સુધી લગાવ્યા આ આરોપ
