લોકો પોતાની જીવનભરની કમાણી વૃદ્ધાવસ્થા માટે બચાવી રાખે છે, પરંતુ ઉત્તરાખંડમાં તેનાથી વિપરીત કિસ્સો સામે આવ્યો છે. અહીં એક મહિલાએ પોતાની તમામ સંપત્તિ કોંગ્રેસ નેતા રાહુલ ગાંધીના નામે કરી દીધી છે. 78 વર્ષની મહિલાનું કહેવું છે કે રાહુલ ગાંધી આખા દેશને જરૂર છે. જેના કારણે તેમણે આ નિર્ણય લીધો છે. 50 લાખની આ પ્રોપર્ટીમાં 10 તોલા સોનું પણ છે.
કોર્ટમાં રજૂ કર્યું વસિયતનામું
આ મહિલાનું નામ પુષ્પા મુંજિયાલ છે. 78 વર્ષની પુષ્પાએ રાહુલ ગાંધીને પોતાની તમામ સંપત્તિના માલિક બનાવ્યા છે. આ અંગે તેમણે દેહરાદૂન કોર્ટમાં વસિયતનામું રજૂ કર્યું હતું. જેમાં રાહુલ ગાંધીને પોતાની તમામ સંપત્તિની માલિકી આપવાનો ઉલ્લેખ છે. વૃદ્ધ પુષ્પા કહે છે કે તેઓ રાહુલ ગાંધીના વિચારોથી પ્રભાવિત છે. એટલા માટે તે પોતાની મિલકત તેમના નામે કરી રહ્યા છે. તેમણે કહ્યું કે દેશને રાહુલ ગાંધીની જરૂર છે અને આમાં મારું નાનું યોગદાન છે.
65 વર્ષ સુધી દેશ પર શાસન કરનાર કોંગ્રેસ આજે પોતાના અસ્તિત્વની રાહ જોઈ રહી છે. પાર્ટીના જે નેતાઓ એક સમયે તેના મુશ્કેલીનિવારક હતા, આજે પાર્ટી માટે તે જ મુશ્કેલી છે. પંજાબમાંથી પણ સરકી ગયા બાદ પાર્ટી માત્ર બે રાજ્યોમાં જ સિમિત થઈ ગઈ છે. તેની પાસે આવકનો કોઈ સ્ત્રોત પણ નથી. આવી સ્થિતિમાં, મહિલા પક્ષની મદદ માટે આગળ આવી છે અને લોકોને પણ પ્રેરણા આપવા માટે પહેલ કરી છે.
પૂર્વ પ્રદેશ પ્રમુખને સોંપવામાં આવશે
દેહરાદૂન કોંગ્રેસના મહાનગર અધ્યક્ષ લાલચંદ શર્માએ જણાવ્યું કે પુષ્પા મુંજિયાલ નામના એક વડીલે રાહુલ ગાંધીના નામે પોતાની સંપત્તિનું વસિયતનામું કર્યું છે. તેમણે પૂર્વ પ્રદેશ અધ્યક્ષ પ્રીતમ સિંહને સોંપી છે. શર્માના કહેવા પ્રમાણે મહિલાનું કહેવું છે કે રાહુલ ગાંધીના પરિવારે દેશની આઝાદીથી લઈને આજ સુધી હંમેશા આગળ વધીને દેશ માટે બલિદાન આપ્યું છે. ઈન્દિરા ગાંધી અને રાજીવ ગાંધીએ દેશની એકતા અને અખંડિતતા માટે બલિદાન આપ્યું હતું. આવી સ્થિતિમાં રાહુલ ગાંધીના નામે 50 લાખની સંપત્તિ હોવી કોઈ મોટી વાત નથી.
ઉત્તરાખંડમાં પણ કોંગ્રેસની થઈ છે હાર
ફેબ્રુઆરી-માર્ચમાં યોજાયેલી પાંચ રાજ્યોની ચૂંટણીમાં પણ કોંગ્રેસ ઉત્તરાખંડ જીતવામાં નિષ્ફળ રહી હતી. ખુદને સીએમ તરીકે રજૂ કરી રહેલા હરીશ રાવત પણ ચૂંટણી હારી ગયા. ઉત્તરાખંડમાં કોંગ્રેસ માત્ર 19 સીટો જીતી શકી છે, જ્યારે 70 સીટોવાળી વિધાનસભામાં ભાજપે 47 સીટો જીતી છે.
આ પણ વાંચો :તેલની કિંમતોમાં વધારાને લઈને રાહુલ ગાંધીએ સરકાર પર સાધ્યુ નિશાન, કહ્યું, આ છે ‘લૂંટ સ્કીમ’
આ પણ વાંચો :લાલુ પ્રસાદ યાદવની જામીન પર લટકી તલવાર, સુનવણી માટે સુપ્રીમ કોર્ટ તૈયાર
આ પણ વાંચો : પીએમ મોદી અને વિદેશ મંત્રી એસ. જયશંકર વચ્ચે બેઠક, પાકિસ્તાન અને શ્રીલંકાની વર્તમાન સ્થિતિ પર ચર્ચા
આ પણ વાંચો :નવાબ મલિકની જ્યુડિશિયલ કસ્ટડી 18 એપ્રિલ સુધી લંબાવાઈ, ઘરના ભોજન અને દવાઓની પરવાનગી
