Entertainment News : એક સમય હતો જ્યારે દેશના યુવાનો અને Gen-Z કોઈ વૈજ્ઞાનિક, મહાન લેખક, રમતવીર કે અભિનેતાની કલા અને મહેનતમાંથી પ્રેરણા મેળવતા હતા. પરંતુ આજની ડિજિટલ દુનિયામાં (Reels)ચિત્ર સાવ બદલાઈ ગયું છે. આજકાલ મોટાભાગના યુવાનોના સ્માર્ટફોન પર કલા, શિક્ષણ કે બુદ્ધિશાળી કન્ટેન્ટના બદલે શોર્ટ વિડીયો અને અર્થહીન રીલ્સનું સામ્રાજ્ય જોવા મળી રહ્યું છે.
Reels : શોર્ટ વિડીયો કલ્ચર અને ડોપામાઈનનું ધુમાડા જેવું ઝેર
આજના સમયમાં સોશિયલ મીડિયા પર લાખો ફોલોઅર્સ અને વ્યૂઝ મેળવવા માટે કોઈ સ્પેશિયલ ડિગ્રી કે સમજણની જરૂર નથી રહી. કોઈપણ પ્રતિભા કે અર્થ વગર બનાવવામાં આવતી 15 સેકન્ડની રીલ્સને મિલિયન્સમાં વ્યૂઝ મળી રહ્યા છે. મનોવૈજ્ઞાનિક દ્રષ્ટિકોણથી આ બાબત અત્યંત ચિંતાજનક છે. રીલ્સ અને શોર્ટ્સનું ફોર્મેટ મગજમાં તુરંત ‘ડોપામાઈન’ (Dopamine) હોર્મોન રિલીઝ કરવા માટે ડિઝાઈન કરવામાં આવ્યું છે, જે યુવાનોને ડિજિટલ લત તરફ ધકેલે છે.
અટેન્શન સ્પેન પર માઠી અસર અને શિક્ષણ પ્રત્યે અણગમો
દરેક સ્ક્રોલ સાથે યુવાનોને કંઈક નવું અને ઉત્તેજક જોઈએ છે. આ સતત સ્ક્રોલિંગના કારણે તેમનો અટેન્શન સ્પેન (Time for concentration) ખૂબ ઘટી ગયો છે. પરિણામે, મોટાભાગના યુવાનો હવે 2 મિનિટનો કોઈ ગંભીર વિડીયો ધ્યાનથી જોઈ શકતા નથી કે પુસ્તકનું એક પેજ પણ શાંતિથી વાંચી શકતા નથી. શિક્ષણનું મહત્વ ઘટી રહ્યું છે અને બીજાના ગીતો પર લિપ-સિંકિંગ કરવાને જ કૌશલ્ય ગણવામાં આવી રહ્યું છે.
વિવાદ અને અશ્લીલતા બન્યા વાયરલ થવાની ચાવી!
આજની પેઢી માટે સૌથી ખતરનાક ટ્રેન્ડ એ બન્યો છે કે “વિવાદ જ સફળતાની ચાવી છે”. રસ્તા પર લોકોને હેરાન કરવા, ગાળાગાળી કરવી કે અશ્લીલતા પીરસવી—આ બધું જ વાયરલ થવાના નામે ચલાવવામાં આવે છે. Gen-Z આંધળી દોડમાં માની રહ્યા છે કે એકવાર રીલ વાયરલ થઈ જાય એટલે લાઈફ સેટ થઈ જશે, જે તેમને વાસ્તવિકતાથી દૂર લઈ જઈ રહી છે.
15 સેકન્ડની રીલ્સ ક્યારેય વાસ્તવિક જીવનની સફળતા ન હોઈ શકે. જો સમયસર સ્માર્ટફોનનું આંધળું ઘેલું છોડીને વાસ્તવિક કૌશલ્ય અને શિક્ષણ પર ધ્યાન આપવામાં નહીં આવે, તો યુવા પેઢીનું ભવિષ્ય ધૂંધળું બની શકે છે.
આ પણ વાંચો :છેતરાઈ ન જતાં! ઓનલાઈન શોપિંગ કરતી વખતે રિવ્યૂ જોઈને પ્રોડક્ટ ખરીદતાં પહેલાં આ 4 વાતોનું ખાસ રાખજો ધ્યાન
આ પણ વાંચો :ભારતમાં વૉટ્સએપ એકાઉન્ટ અચાનક બ્લોક; જાણો કંપનીએ શું આપી સ્પષ્ટતા
