વડોદરામાં તબીબના બે જુડવા બાળકો રૂમમાં થઇ ગયા લોક અને....

રેસ્ક્યૂ/ વડોદરામાં તબીબના બે જુડવા બાળકો રૂમમાં થઇ ગયા લોક અને….

બગીખાના ખાતે રાજદીપ સોસાયટીમાં રહેતા ગાયવાલા પરિવારના મકાનના ઉપરના માળે અઢી વર્ષના બે જોડીયા બાળકો રમતા હતા ત્યારે રૂમનો દરવાજો અંદરથી બંધ થઇ જતાં તેઓ ગભરાઇ ગયા હતા અને રોકકળ કરી મૂકી હતી.

વડોદરામાં માતા-પિતા માટે લાલબતી સમાન ઘટના
પોલો ગ્રાઉન્ડ નજીક રાજદીપ સોસાયટીમાં બન્યો બનાવ
ડોક્ટરના બે જોડીયા બાળકો મકાનના રૂમમાં પુરાયા
ભુલથી દરવાજો લોક થઇ જતાં બાળકો રૂમમાં પુરાયા

Vadodara News: પોતાના બાળકોને રમતા મૂકીને કામમાં વ્યસ્ત થઇ જતા વાલીઓ માટે વધુ એક લાલબતી સમાન કિસ્સો વડોદરામાંથી સામે આવ્યો છે. અહીં ડોક્ટરના બે જોડીયા બાળકો મકાનના રૂમમાં પુરાઈ જતા ફાયર બ્રિગેડ જાણ કરતા ફાયરટીમ દોડી આવી હતી. ફાયરના જવાનોએ પહેલા માળની જાળી કાપીને રેસ્કયું કર્યું હતું.

બનાવની મળતી માહિતી અનુસાર, બગીખાના ખાતે રાજદીપ સોસાયટીમાં રહેતા ગાયવાલા પરિવારના મકાનના ઉપરના માળે અઢી વર્ષના બે જોડીયા બાળકો રમતા હતા ત્યારે રૂમનો દરવાજો અંદરથી બંધ થઇ જતાં તેઓ ગભરાઇ ગયા હતા અને રોકકળ કરી મૂકી હતી.

માતા-પિતા અને અન્ય લોકોએ પ્રયત્ન કરવા છતાં દરવાજો નહિં ખૂલતાં આખરે ફાયર બ્રિગેડની મદદ લીધી હતી.ફાયર એન્જિનની મદદથી ઉપરના માળની બારી પાસે પહોંચી ગ્રીલ ખોલી હતી અને અંદર જઇ દરવાજો ખોલતાં બંને બાળકોનો બચાવ થયો હતો.