એક દિવસની રાહત બાદ, શનિવારે (10 જુલાઈ, 2021) ફરીથી પેટ્રોલ અને ડીઝલની કિંમતમાં વધારો થયો છે. ઈન્ડિયન ઓઇલની વેબસાઇટ અનુસાર, આજે ચાર મહાનગરોમાં પેટ્રોલના ભાવમાં પ્રતિ લિટર 30-39 પૈસાનો વધારો થયો છે જ્યારે ડીઝલની કિંમતમાં લિટર દીઠ 24-32 પૈસાનો વધારો થયો છે. આ પહેલા બુધવાર અને ગુરુવારે સતત 2 દિવસ કિંમતમાં વધારો કર્યા પછી શુક્રવારે કોઈ ફેરફાર કરવામાં આવ્યો ન હતો. આજે દિલ્હીમાં પેટ્રોલની કિંમત 100.91 રૂપિયા છે જ્યારે ડીઝલની કિંમત પ્રતિ લિટર 89.88 રૂપિયા છે. આવા શહેરોની સંખ્યા સતત વધી રહી છે, જ્યાં પેટ્રોલની કિંમત પ્રતિ લિટર 100 રૂપિયાને વટાવી ગઈ છે.
આ પણ વાંચો :ભાજપના ચાણક્ય ફરી આવશે ગુજરાત, ભગવાન જગન્નાથના કરશે આરતી-દર્શન, આ વિકાસકાર્યોનું લોકાર્પણ
ઇન્ડિયન ઓઇલની સત્તાવાર વેબસાઇટ અનુસાર, છૂટક કિંમત (10 જુલાઈ 2021)
- દિલ્હીમાં પેટ્રોલ પ્રતિ લિટર 100.91 રૂપિયા અને ડીઝલ 89.88 રૂપિયા પ્રતિ લિટર છે.
- મુંબઈમાં પેટ્રોલની કિંમત પ્રતિ લિટર 106.93 રૂપિયા અને ડીઝલની કિંમત પ્રતિ લિટર 97.46 છે.
- કોલકાતામાં પેટ્રોલ આજે લિટર દીઠ 101.01 રૂપિયા અને ડીઝલ 92.97 રૂપિયા પ્રતિ લિટર છે.
- ચેન્નાઇમાં પેટ્રોલ લિટર દીઠ 101.67 રૂપિયા અને ડીઝલ 94.39 રૂપિયા પ્રતિ લિટર છે.
- બેંગ્લોરમાં પેટ્રોલ 104.29 રૂપિયા પ્રતિ લિટર અને ડીઝલ 95.26 રૂપિયા પ્રતિ લિટર છે.
- પટનામાં પેટ્રોલ 103.18 રૂપિયા પ્રતિ લિટર અને ડીઝલ 95.46 રૂપિયા પ્રતિ લિટર છે.
- ચંદીગઢમાં પેટ્રોલ પ્રતિ લિટર 97.04 રૂપિયા અને ડીઝલ 89.51 રૂપિયા પ્રતિ લિટર છે.
આ પણ વાંચો :પંજાબમાં રવિવારે તેમજ રાત્રી કર્ફ્યુ પર પૂર્ણવિરામ, રેસ્ટોરેન્ટ અને સિનેમા હોલને મળી છૂટ
આ પણ વાંચો :ડેલ્ટા પછી, કોરોનાના કપ્પા વેરિઅન્ટનું જોખમ, નીતિ આયોગે આપી આ મોટી જાણકારી
આ રીતે નક્કી કરવામાં આવે છે પેટ્રોલ અને ડીઝલના ભાવ
પેટ્રોલ અને ડીઝલના ભાવ દરરોજ સવારે 6 વાગ્યે બદલાય છે. પેટ્રોલ અને ડીઝલના ભાવમાં એક્સાઈઝ ડ્યુટી, ડીલર કમિશન અને અન્ય વસ્તુઓ ઉમેર્યા પછી તેની કિંમત લગભગ બમણી થઈ જાય છે. વિદેશી વિનિમય દરની સાથે આંતરરાષ્ટ્રીય બજારમાં ક્રૂડના ભાવ કયા છે તેના આધારે રોજ પેટ્રોલ અને ડીઝલના ભાવ બદલાય છે.
આ પણ વાંચો :મસૂરીમાં પ્રવેશવા હવે કોરોના નેગેટિવ રિપોર્ટ ફરજિયાત, તંત્રએ લાગુ કર્યા કડક નિયમો
