PM Modi 22 October: પ્રધાનમંત્રી નરેન્દ્ર મોદી 22મી ઓક્ટોબરના રોજ સવારે 11 કલાકે વીડિયો કોન્ફરન્સિંગ દ્વારા રોજગાર મેળામાં 10 લાખ કર્મચારીઓની ભરતી ડ્રાઈવનો પ્રારંભ કરશે. સમારોહ દરમિયાન 75 હજાર નવા હોદ્દેદારોને નિમણૂક પત્ર આપવામાં આવશે. આ પ્રસંગે વડાપ્રધાન નવનિયુક્ત લોકોને સંબોધન પણ કરશે. યુવાનોને રોજગારીની તકો પૂરી પાડવા અને નાગરિકોનું કલ્યાણ સુનિશ્ચિત કરવા માટે પ્રધાનમંત્રીની સતત પ્રતિબદ્ધતાને પરિપૂર્ણ કરવા માટે આ એક મહત્વપૂર્ણ પગલું હશે. વડા પ્રધાનની સૂચના મુજબ, તમામ મંત્રાલયો અને વિભાગો મિશન મોડમાં મંજૂર પોસ્ટ્સ સામે હાલની ખાલી જગ્યાઓ ભરવા માટે કામ કરી રહ્યા છે.
દેશભરમાંથી પસંદ કરાયેલા નવા ભરતીઓ ભારત સરકારના 38 મંત્રાલયો/વિભાગોમાં જોડાશે. નિમણૂંક પામેલાઓ વિવિધ સ્તરે સરકારમાં સામેલ થશે. ગ્રુપ – A, ગ્રુપ – B (રાજપત્રિત), ગ્રુપ – B (નોન-ગેઝેટેડ) અને ગ્રુપ – C. જે જગ્યાઓ પર ભરતી કરવામાં આવી રહી છે તેમાં સેન્ટ્રલ આર્મ્ડ ફોર્સ પર્સનલ, સબ ઈન્સ્પેક્ટર, કોન્સ્ટેબલ, એલડીસી, સ્ટેનો, પીએ, ઈન્કમ ટેક્સ ઈન્સ્પેક્ટર, MTS વગેરેનો સમાવેશ થાય છે. આ ભરતી મંત્રાલયો અને વિભાગો દ્વારા મિશન મોડમાં અથવા UPSC, SSC, રેલ્વે ભરતી બોર્ડ જેવી ભરતી એજન્સીઓ દ્વારા કરવામાં આવી રહી છે. ઝડપી ભરતી માટે પસંદગી પ્રક્રિયાઓને સરળ બનાવવામાં આવી છે અને ટેક્નોલોજી સક્ષમ કરવામાં આવી છે.
આ પણ વાંચો: Gandhinagar/ કેન્દ્રીય સંરક્ષણ મંત્રી રાજનાથ સિંહની અધ્યક્ષતામાં ‘IDEX’ દ્વારા ‘મંથન-૨૦૨૨’ સેમિનાર યોજાયો
આ પણ વાંચો: Global QA Practice/ સ્વદેશી સંરક્ષણ સાધનોનું વિશ્વ કક્ષાએ વેચાણ કરવા માટે ગુણવત્તા-વિશ્વસનીયતા હોવી જરૂરી છે: સંરક્ષણ રાજ્ય મંત્રી અજય ભટ્ટ
આ પણ વાંચો: World/ ઇન્ડોનેશિયાના ઇસ્લામિક કેન્દ્રમાં આગ ફાટી નીકળી, મોટી મસ્જિદનો વિશાળ ગુંબજ તૂટી પડ્યો
