બોલિવૂડ એક્ટર સલમાન ખાને તેની આગામી ફિલ્મ કભી ઈદ, કભી દિવાલીનું શૂટિંગ શરૂ કરી દીધું છે. તાજેતરમાં, ભાઈજાને સોશિયલ મીડિયા પર ચાહકો વચ્ચે ફિલ્મ સાથે સંબંધિત તેનો ફર્સ્ટ લુક શેર કર્યો હતો. બીજી તરફ આ ફિલ્મમાંથી શહનાઝ ગિલનો લુક હવે લીક થઈ ગયો છે. ‘બિગ બોસ 13’ ફેમ શહનાઝ ગિલનો એક વીડિયો ઈન્ટરનેટ પર ઝડપથી વાયરલ થઈ રહ્યો છે. વીડિયો જોયા બાદ ઘણા ચાહકો દાવો કરી રહ્યા છે કે આ કભી ઈદ,કભી દિવાલીના સેટ પરનો છે. વીડિયો એકદમ અસ્પષ્ટ છે અને શહનાઝ ગિલ તેની વેનિટી વેનમાંથી બહાર આવતીજોવા મળે છે. વીડિયોમાં શહનાઝ દક્ષિણ ભારતીય ગેટઅપમાં જોવા મળી રહી છે.
‘કભી ઈદ,કભી દિવાળી’ના સેટ પરથી શહનાઝ ગિલનો લુક આવ્યો સામે
વીડિયોમાં શહનાઝ ગિલ સાડીમાં જોઈ શકાય છે. અભિનેત્રીએ તેના વાળની ચોટી બનાવી છે અને ગજરો લગાવ્યો છે. વીડિયો બહુ સ્પષ્ટ નથી પરંતુ શહનાઝ ગિલ ખૂબ જ સુંદર લાગી રહી છે. ચાહકો દાવો કરી રહ્યા છે કે શહનાઝ ગિલનો આ લુક ડેબ્યુ ફિલ્મ ‘કભી ઈદ,કભી દિવાલી’નો છે. આપને જણાવી દઈએ કે ‘કભી ઈદ,કભી દિવાલી’માં શહનાઝ ગિલની હાજરીની સત્તાવાર જાહેરાત હજુ સુધી કરવામાં આવી નથી.
શહનાઝ ગિલનો વાયરલ વીડિયો અહીં જુઓ:
વીડિયો પર કોમેન્ટ કરતાં એક ચાહકે કહ્યું કે શહનાઝ ગિલ ફિલ્મ ‘કભી ઈદ,કભી દિવાલી’માં દક્ષિણ ભારતીય પરિવારની દીકરીનો રોલ કરી રહી છે. તે જ સમયે, ઘણા ચાહકોએ શહનાઝની પ્રશંસા કરી છે અને તેના માટે સારી ટિપ્પણીઓ કરી છે. ‘કભી ઈદ,કભી દિવાલી’ને ફરહાદ સામજી ડિરેક્ટ કરી રહ્યા છે. આ ફિલ્મમાં સલમાન ખાન સાથે અભિનેત્રી પૂજા હેગડે લીડ રોલમાં જોવા મળશે. કેટલાક અહેવાલો દાવો કરે છે કે આ ફિલ્મમાં વેંકટેશ દગ્ગુબાતી, આયુષ શર્મા અને ઝહીર ઈકબાલ ઉપરાંત ડાન્સર અને અભિનેતા રાઘવ જુયાલ પણ છે.
શહનાઝ ગિલ આયુષ શર્મા સાથે રોમાન્સ કરતી મળશે જોવા
મહેશ બાબુ સ્ટારર ‘સરકારુ વારી પાટા’ના કીર્તિ સુરેશના લુક સહિત કેટલાક એડિટિંગ વીડિયો પણ સામે આવ્યા છે. ‘કભી ઈદ,કભી દિવાલી’માં શહનાઝ ગિલ વિશે વાત કરતા ઈન્ડિયા ટુડેના અહેવાલમાં જણાવવામાં આવ્યું છે કે શહનાઝને આ ફિલ્મમાં આયુષ શર્માની સાથે જોડી દેવામાં આવી છે. મીડિયા રિપોર્ટ્સ અનુસાર, શહનાઝ ગિલ અને આયુષ શર્મા ઓનસ્ક્રીન રોમાન્સ કરતા જોવા મળશે. આ ફિલ્મ આ વર્ષના અંતમાં રિલીઝ થશે.
આ પણ વાંચો:PM મોદી નેપાળના લુમ્બિની પહોંચ્યા,માયાદેવી મંદિરમાં પૂજા કરી
આ પણ વાંચો:બીજેપીએ ચિંતન શિબિરમાં અનેક મુદ્દે કર્યું મનોમંથન “આપ” ને રોકો અને અન્ય મુદ્દે મૌન રહો
આ પણ વાંચો:BJPના દિગ્ગજ નેતાઓએ આપી સૂચના, કહ્યું- SC અને ST પ્રભાવિત બેઠક પર…
આ પણ વાંચો:રાજ્યમાં AAPના લીધે ભાજપે બનાવી આ રણનીતિ,જાણો વિગત