Budget 2026: કેન્દ્રીય નાણાં અને કોર્પોરેટ બાબતોના મંત્રી નિર્મલા સીતારમણે (Nirmala Sitharaman) આજે સંસદમાં કેન્દ્રીય બજેટ 2026-2027 (Budget 2026) રજૂ કરતી વખતે જણાવ્યું હતું કે ‘સબકા સાથ, સબકા વિકાસ’નું અમારું વિઝન એ સુનિશ્ચિત કરવાનું છે કે, દરેક પરિવાર, સમુદાય, પ્રદેશ અને ક્ષેત્રને સંસાધનો, સુવિધાઓ અને અર્થપૂર્ણ ભાગીદારી માટેની તકો પ્રાપ્ત થાય.
દિવ્યાંગજનો માટે બજેટ 2026 (Budget 2026) માં જાહેરાત
આ લક્ષ્ય હાંસલ કરવા માટે, નાણાં મંત્રીએ દિવ્યાંગજનો (Differently Able) માટે નીચે મુજબની જાહેરાત કરી હતી.
દિવ્યાંગ કૌશલ યોજના: IT, AVGC અને હોસ્પિટાલિટી ક્ષેત્રોમાં વિકલાંગ વ્યક્તિઓને કસ્ટમાઇઝ્ડ તાલીમ પૂરી પાડવા માટે
IT, AVGC (એનિમેશન, વિઝ્યુઅલ ઇફેક્ટ્સ, ગેમિંગ અને કોમિક્સ) ક્ષેત્રો, હોસ્પિટાલિટી અને ફૂડ એન્ડ બેવરેજીસ ક્ષેત્રો કાર્ય-લક્ષી અને પ્રક્રિયા-આધારિત ભૂમિકાઓ ઓફર કરે છે, જે દિવ્યાંગજનો માટે યોગ્ય છે.
આ દરેક દિવ્યાંગ જૂથ માટે વિશિષ્ટ ઉદ્યોગ-સંબંધિત અને કસ્ટમાઇઝ્ડ (વ્યક્તિગત જરૂરિયાત મુજબની) તાલીમ દ્વારા ગૌરવપૂર્ણ આજીવિકાની તકો સુનિશ્ચિત કરશે.
દિવ્યાંગ સહારા યોજના: દિવ્યાંગ વ્યક્તિઓ માટે સહાયક ટેકનોલોજી માર્ટ, આધુનિક રિટેલ-શૈલીના કેન્દ્રો સ્થાપિત કરવા માટે
તમામ પાત્ર દિવ્યાંગજનો માટે ઉચ્ચ ગુણવત્તાના સહાયક ઉપકરણોની સમયસર ઉપલબ્ધતા એ મૂળભૂત જરૂરિયાત છે.
બજેટમાં નીચે મુજબના પ્રસ્તાવ મૂકવામાં આવ્યા છે
સહાયક ઉપકરણોનું ઉત્પાદન વધારવા, R&D (સંશોધન અને વિકાસ) અને AI (કૃત્રિમ બુદ્ધિ) સંકલનમાં રોકાણ કરવા માટે આર્ટિફિશિયલ લિમ્બ્સ મેન્યુફેક્ચરિંગ કોર્પોરેશન ઓફ ઈન્ડિયા (ALIMCO) ને ટેકો આપવો.
PM દિવ્યાશા કેન્દ્રોને મજબૂત કરવા અને આધુનિક રિટેલ-શૈલીના કેન્દ્રો તરીકે ‘આસિસ્ટિવ ટેકનોલોજી માર્ટ્સ’ (Assistive Technology Marts) સ્થાપવા માટે સહાય પૂરી પાડવી, જ્યાં દિવ્યાંગજનો અને વરિષ્ઠ નાગરિકો સહાયક ઉત્પાદનો જોઈ શકે, અજમાવી શકે અને ખરીદી શકે.
આ પણ વાંચો: ખેડૂતો માટે મોટી ભેટ, માછીમારી, પશુપાલન અને AI આધારિત India-VISTAAR યોજના જાહેર
આ પણ વાંચો: ભારત બનશે ‘ઔદ્યોગિક મહાસત્તા’! ₹54.1 લાખ કરોડના બજેટમાં ‘રિફોર્મ એક્સપ્રેસ’નો રોડમેપ
આ પણ વાંચો: બજેટમાં ફક્ત એક જ જાહેરાત… શેરબજાર ધડામ, સેન્સેક્સ 2,000 પોઈન્ટ ઘટ્યો
