પૃથ્વીની પરિક્રમા કરતા ચંદ્ર પર એક રહસ્યમય ઝૂંપડીનાં સમાચાર સામે આવી રહ્યા છે, જેની તસવીર જોયા બાદ વૈજ્ઞાનિકો પણ આશ્ચર્યચકિત થઈ ગયા છે. ચંદ્ર મિશન પર ગયેલા ચીનનાં યુટુ-2 રોવરે (Yutu 2 Rover) આ ઝૂંપડીનાં આકારની વસ્તુ શોધી કાઢી છે. આ પદાર્થ ચંદ્રનાં સૌથી દૂર આવેલા વોન કાર્મન ક્રેટર પાસે જોવા મળ્યો છે. ચીનનાં વૈજ્ઞાનિકોએ આ રહસ્યમય આકૃતિની શોધ શરૂ કરી દીધી છે.
આ પણ વાંચો – Shocking / 20 વર્ષની યુવતીને થયો 77 વર્ષનાં વૃદ્ધ સાથે પ્રેમ, જાણો કેવી રીતે શરૂ થઇ પ્રેમ કહાની
આ ઘટના ચીનની સ્પેસ એજન્સી નેશનલ સ્પેસ એડમિનિસ્ટ્રેશન (CNSA) સાથે કામ કરતી ચીની સાયન્સ ચેનલ અવર સ્પેસ પર પ્રકાશિત Yutu 2 ડાયરીમાં જણાવવામાં આવી છે. ડાયરીમાં કહેવામાં આવ્યું છે કે, Yutu 2 એ ચંદ્રની ઉત્તરે ક્ષિતિજ પર ક્યુબ આકારની વસ્તુ જોઈ. નવેમ્બરમાં મિશનનાં 36માં ચંદ્ર દિવસ દરમિયાન આ પદાર્થ લગભગ 260 ફૂટ (80 મીટર) દૂર હતો. ‘અવર સ્પેસ’ અનુસાર અમે આ ઑબ્જેક્ટનું નામ ‘મિસ્ટ્રીયસ હટ’ (શેનમી જિયાઓવુ) રાખ્યું છે. આ નામ પ્રતિકાત્મક આપવામાં આવ્યું છે, કારણ કે આપણે જાણતા નથી કે તે વાસ્તવિકમાં શું છે. Yutu-2 મિશન સાથે જોડાયેલા વૈજ્ઞાનિકોએ પણ આ રહસ્યમય વસ્તુ અંગે આશ્ચર્ય વ્યક્ત કર્યું છે. તેમણે કહ્યું કે, આગામી 2-3 ચંદ્ર દિવસોમાં અમે આ રોવરને ક્રેટરથી બહાર કાઢીને તે રહસ્યમય વસ્તુની નજીક લઈ જવાનો પ્રયાસ કરીશું.
આ પણ વાંચો – ફરી કુદરતના ખોળે / સોહામણું શ્યામશિર ટપુશીયુ સુગરીના વપરાઈ ગયેલા માળામાં પોતાના ઈંડા મૂકે છે….
ઘણા નિષ્ણાતોનાં મતે, આ રહસ્યમય આકૃતિ પથ્થરનો વિશાળ ભાગ પણ હોઈ શકે છે. જોકે, રોવરનાં નજીક ગયા બાદ જ આ રહસ્ય પરથી પડદો ઉઠશે. 3 જાન્યુઆરી, 2019નાં રોજ સૌર-સંચાલિત Yutu-2 અને ચાંગ ઈ 4 લેન્ડર ચંદ્ર પર ઉતર્યા હતા. Yutu-2 ચંદ્ર પર 186 કિલોમીટરનાં વોન કાર્મન ક્રેટરની તપાસ કરી રહ્યું છે.