પાકિસ્તાનનો પૂર્વ ક્રિકેટર શોએબ અખ્તર તેના સમયનો ખતરનાક બોલર રહ્યો છે, તેને રાવલપિંડી એક્સપ્રેસ તરીકે પણ ઓળખવામાં આવે છે. ભારત અને પાકિસ્તાન વચ્ચે જ્યારે પણ મેચ થાય છે ત્યારે શોએબ અખ્તર ચર્ચામાં રહે છે. શોએબ અખ્તર ઘણીવાર પોતાની યુટ્યુબ ચેનલ પર મેચ વિશે પોતાનો અભિપ્રાય વ્યક્ત કરે છે. હાલમાં જ શોએબ અખ્તરે તેની યુટ્યુબ ચેનલ પર એક વીડિયો શેર કર્યો છે. આ વીડિયોમાં શોએબ અખ્તર કહી રહ્યો છે કે તે કોઈ દિવસ વીરેન્દ્ર સેહવાગને બહુ મારવાનો છે.
તાજેતરના યુટ્યુબ વીડિયોમાં શોએબ અખ્તર એક ચેટ શોનો ભાગ હતો. ત્યાં શોએબ અખ્તરને તેની જૂની તસવીર વિશે પૂછવામાં આવ્યું. ભારતના પૂર્વ ક્રિકેટર વિરેન્દ્ર સેહવાગે શોએબ અખ્તરની તસવીર પર કોમેન્ટ કરી હતી. શોએબને સેહવાગની ટિપ્પણી વિશે પૂછવામાં આવ્યું હતું. શોએબે આના પર કહ્યું કે, જો મને કોઈ દિવસ સેહવાગ મળશે તો હું તેને બહુ મારીશ.
આપને જણાવી દઈએ કે એકવાર શોએબ અખ્તરે ટ્વિટર પર તેના સૂટ બૂટમાં એક તસવીર શેર કરી હતી. શોએબની તસવીર પર કોમેન્ટ કરતાં સેહવાગે લખ્યું, “ઓર્ડર લખો- એક બટર ચિકન, બે નોન્સ, એક બીયર”.
વીરેન્દ્ર સેહવાગ અવારનવાર પોતાના નિવેદનોથી પાકિસ્તાની ખેલાડીઓની મજા લેતો રહે છે. વીરેન્દ્ર સેહવાગ અને શોએબ અખ્તર બંને સમાન વ્યક્તિત્વ ધરાવે છે. જો કે, મેદાનની બહાર, બંને ખૂબ સારા મિત્રો છે અને બંને સોશિયલ મીડિયા પર એકબીજાની મસ્તી કરતા રહે છે.
આ પણ વાંચો :સચિન તેંડુલકરે ફેન્સને ખાસ રીતે હોળીની શુભેચ્છા પાઠવી
આ પણ વાંચો :એમએસ ધોની 7 નંબરની જર્સી કેમ પહેરે છે? માહીએ પોતે જણાવ્યું કારણ
આ પણ વાંચો : IPL 2022માં પહેલીવાર દર્શકો ગુજરાતી કોમેન્ટ્રીનો આનંદ માણી શકશે, જાણો પેનલનો ભાગ કયા દિગ્ગજ હશે
આ પણ વાંચો : હાર્દિક પંડ્યા પહેલાથી જ ગુજરાત ટાઇટન્સની જીતથી ચિંતિત, હવે રાશિદ ખાન બન્યો મુશ્કેલી
